Yoshua 11:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kakuakadi muena Anaka wakashala mu buloba bua Bena Isalele; anu mu Gaza ne mu Gata ne mu Ashedodo bakuabo bakashalamu.

MUKANDA WA MYIDI MUKULU

²² Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

Yoshua 11:22 ပူးပေါင်းရင်းမြစ်များ

1 Bakalenga 2:39

Hakahita bidimu bisatu, bantu babidi ba Shimei bakanyemena kudi Akisha, muana wa Mâka, mukelenge wa mu Gata. Bakambila Shimei ne, Mona, bantu bebe badi mu Gata.

1 Kulondolola 18:1

Ku nyima kua malu â Davidi wakaluangana ne Bena Peleshete, wakabahita bukole, wakanyenga Gata ne misoko yakadi ha buihi mu bianza bia Bena Peleshete.

1 Kulondolola 8:13

Belia ne Shema, bakadi ku mutu kua nsubu ya batatu babo ba Bena Ayalona, bakihata Bena Gata mu nvita;

2 Kulondolola 26:6

Yeye wakaya kuluangana ne Bena Peleshete, wakashimbula ngumbu ya Gata ne ya Yabene ne ya Ashedodo; yeye wakasa misoko mikuabo mu buloba bua Ashedodo munkatshi mua Bena Peleshete.

Yeshaya 20:1

Mu tshidimu tshiakulua Tâtana ku Ashedodo, mutumibue kudi Sâgona, mukelenge wa Ashû, wakaluangana ne bena musoko wa Ashedodo ne wakabahita bukole.

Bienzedi 8:40

Kadi Filipo wakamueneka ku Azoto; wakahitshila mu misoko yonso tô ne ku Kaisalia, wenda ubambila lumu luimpe.

Dielulula 2:23

Bena Awa bakadi bashikama mu misoko tô ne ku Gaza ne Bena Kafetô bakafuma ku Kafetô, bakabashiha, bakashikama mu muaba wabo.)

Dielulula 9:2

bantu banene badi bale, bana balume ba Anaka, banudi bamanye; nuakulua lumu luabo ne, Nganyi udi mua kuimana ku mpala kua bana balume ba Anaka?

Yoshua 10:41

Yoshua wakabashiha ku Kadeshe-bânea tô ne ku Gaza, ne ba mu buloba buonso bua Goshena tô ne ku Gibeona.

Yoshua 15:14

Kaleba wakihata bana balume basatu ba Anaka: Sheshai ne Ahimana ne Talemai, bana ba Anaka.

Yoshua 15:46

ku Ekelona tô ne kukala kua mai manene, bimenga bionso biakadi ku luseke lua Ashedodo ne misoko yabi.

Yoshua 15:47

Ashedodo ne bimenga ne misoko yabi; Gaza ne bimenga ne misoko yabi; ku kasulu ka Ejipitu tô ne kukala kua mai manene.

Balombodi 1:18

Bena Yuda bakanyenga Gaza kabidi ne matshika au, ne Ashekelona ne matshika au, ne Ekelona ne matshika au.

Balombodi 3:3

â mmena abo: bakelenge batanu ba Bena Peleshete, ne Bena Kanâna bonso ne Bena Sidona, ne Bena Hiwi bakadi bashikama ku mukuna wa Lebanona, ku mukuna wa Bâla-hêmona tô ne ku mukalu wa Hamata.

1 Samuele 17:4

Tshilobo tshiakaluhuka mu tshitudilu tshia Bena Peleshete, dina diatshi Goleyata wa mu Gata, bule buandi buakadi coudées isambombo ne ntanta wa tshianza.

1 Samuele 5:1

Bena Peleshete bakanyenga mushete wa Nzambi, bakalua nʼau ku Ebene-ezê tô ne ku Ashedodo.