Yoshua 11:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bena Isalele bakadiangatshila bintu bionso bia mu misoko ei ne bimuna; kadi bakashiha muntu yonso ne muele wa nvita tô ne hakababutulabo bonso; kabakashiya umue uhuyakana.

MUKANDA WA MYIDI MUKULU

¹⁴ Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

Yoshua 11:14 ပူးပေါင်းရင်းမြစ်များ

2 Kulondolola 20:25

Hakalua Yehoshafata ne bantu bandi bua kuhaulabo bintu, bakasangana bubanji ne bilulu bia bungi, ne bintu bia mushinga mukole biakanyengabo; kabakamanya mua kubituala; bakashalaku matuku asatu bua kuhaulabo bintu, bualu bua biakadi bia bungi.

Dibadika 31:9

Bena Isalele bakaya ne bakashi ba Bena Midiyana ne bana babo bakese, bakangata kabidi bimuna biabo ne bisumbu bia mikoko ne bintu biabo bionso.

Dielulula 20:14

kadi bakashi ne bana bakese ne bimuna ne bintu bionso bia mu musoko, nenudiangatshile ebi; nuenu nenudie bintu bionso bia badi nʼenu lukuna, bidi Yehowa, Nzambi wenu, munuhe.

Dielulula 20:16

Kadi misoko ya bantu aba idi Yehowa, Nzambi wenu, unuhayi bua nuenu kuyihiana, kanusungidi tshintu tshimue tshidi tshieyela muhuya;

Yoshua 10:40

Nunku Yoshua wakalekesha buloba bujima, ne bua ku mikuna, ne bua ku Sude, ne bua mu bibanda, ne bua ku tukunakuna, ne bakelenge babu bonso: kakashiya nansha umue, wakabutula bonso bakadi ne muoyo, bu muakamba Yehowa, Nzambi wa Isalele.

Yoshua 11:11

Bakashiha bantu bonso bakadimu ne miele ya nvita, bakaba-butula; kabakashiya nansha umue ne muoyo; wakosha Hasô ne kahia.

Yoshua 11:13

Bena Isalele kabakosha misoko yakadi ha mikuna, anu Hasô; Yoshua wakawosha.

Yoshua 11:15

Bu muakambila Yehowa muntu wandi Mose, nunku Mose wakambila Yoshua, ne Yoshua Wakenza nunku; kakalekela bualu bumue kabuyi buenjibue bua mu malu onso akambila Yehowa Mose.

Yoshua 8:2

ne wewe newenzele Ai ne mukelenge wa musoko bu muwakenzela Yeleko ne mukelenge wau; kadi bintu bia mu musoko ne bimuna, nubiangate bu bintu bienu; utume balaminyi ku nyima kua musoko.

Yoshua 8:27

Anu bimuna ne bintu bikuabo biakahuolabo bia mu musoko, Bena Isalele bakabiangata bu bintu biabo bu mu dî dia Yehowa diakambileye Yoshua.