Yoshua 10:39 - Mukanda wa Nzambi Dihungila Dikulukulu ne Dihungila Dihia-dihia 2003

³⁹ wakanyenga musoko ne mukelenge wau, ne misoko yau yonso; bakabashiha ne muele wa nvita ne bakabutula bantu bonso bakadimu; kakashiya nansha umue: bu muakenzeye ku Hebelone, nunku wakenzela Debî ne mukelenge wau bu muakenzeleye Libina ne mukelenge wau.

MUKANDA WA MYIDI MUKULU

³⁹ Kukuatabu tshimenga atshi ne mukalenga uvuamu. Kukuatabu kabidi ne bimenga bionsu bivua natshi pabuipi. Kushipabu bantu bonsu bavuamu, kabayi bashiye muntu nansha umue ne muoyi to. Yoshuwa kuenzela tshimenga tshia Debire ne mukalenga uvuamu, muvuaye muenzele tshimenga tshia Ebrone ne tshia Libna, ne bakalenga bavuamu.

Yoshua 10:39 ပူးပေါင်းရင်းမြစ်များ

2 Bakalenga 10:11

Nunku Yehu wakashiha bonso bakashala mu nsubu wa Ahaba mu Yizelele, ne bantu bandi banene bonso, ne balunda bandi bonso ne bakuidi bandi bonso tô ne hakamushiyeye hatuhu.

Obadya 1:18

Bena Yakoba nebikale kahia, ne Bena Yosefe nebikale ludimi lua kahia, ne Bena Esau nebikale bisonsa, ne bobo nebaboshe, nebabashidishe, kakuena muntu umuehele washala kudi Bena Esau, bualu bua Yehowa nguakuamba dî edi.

Dielulula 3:3

Nunku Yehowa, Nzambi wetu, wakafua Oga, mukelenge wa Bashana, ne bantu bandi bonso mu tshianza tshietu kabidi; tuakabashiha, nansha muntu umue wakashala.

Yoshua 10:33

Hashishe Holama, mukelenge wa Gezê, wakalua bua kukuatshisha Bena Lakisha; Yoshua wakamushiha ne bantu bandi bonso, kakashiya nansha umue.

Yoshua 10:37

Bakaunyenga, bakashiha ku muele wa nvita, ne mukelenge wau, ne misoko yau yonso, ne bantu bonso bakadimu; kakashiya nansha umue, bu muakenzeleye Egelona; kadi yeye wakaubutula ne bantu bonso bakadimu.

Yoshua 10:38

Yoshua wakahingana ne Bena Isalele bonso ku Debî, bakauluisha;

Yoshua 10:40

Nunku Yoshua wakalekesha buloba bujima, ne bua ku mikuna, ne bua ku Sude, ne bua mu bibanda, ne bua ku tukunakuna, ne bakelenge babu bonso: kakashiya nansha umue, wakabutula bonso bakadi ne muoyo, bu muakamba Yehowa, Nzambi wa Isalele.

Yoshua 11:8

Yehowa wakabafila mu bianza bia Bena Isalele, bakabashiha, bakabihata tô ne ku Sidona, musoko munene, ne ku Miselefota-mayima, ne ku tshibanda tshia Misepa tshia ku esete; bakabashiha tô, kabakashiya nansha umue.

Yoshua 12:13

mukelenge umue wa mu Debî, mukelenge umue wa mu Gedê,

1 Samuele 15:3

Katataka ya, ushihe Bena Amaleka, ubutule bionso bidibo nʼabi; kubafuidi luse; ubashihe ne balume ne bakashi ne bana bakese ba mu tshiadi ne ngombe yabo ne mikoko ne tumelo ne nyama ya mpunda.

1 Samuele 15:8

Wakakuata Agaga, mukelenge wa Bena Amaleka, ne muoyo; wakashiha bantu bonso ku miele ya nvita.