Yoshua 10:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakashikisha Yoshua ne Bena Isalele kubashiha ne dishiha dikole tô ne hakabajimishabo, tshituha tshiabo tshiakadi tshishala, tshiakahuela mu misoko yakadi ne ngumbu.

MUKANDA WA MYIDI MUKULU

²⁰ Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.

Yoshua 10:20 ပူးပေါင်းရင်းမြစ်များ

2 Samuele 20:6

Davidi wakambila Abishai ne, Katataka Sheba, muana wa Bikili, neatuenzele bibi bidi bihita biakatuenzela Abashaloma; wangate bantu ba mukelenge webe, umulonde, yeye kabuedi mu misoko ya ngumbu, kahanduki kutudi.

1 Bakalenga 20:21

Mukelenge wa Isalele wakaluhuka, wakashiha tubalu ne makalu ne Bena Sulia ne kushiha kukole.

2 Kulondolola 13:17

Abiya ne bantu bandi bakabashiha ne kushiha kukole; Bena Isalele ba bukitu binunu nkama itanu bakadishinda hanshi bafue.

Yirmeya 4:5

Umanyishe ba mu Yuda ne wele dî edi mu Yelushalema, ubambile ne, Elai mpungi ha buloba; bandisha mei ebe, ubambile ne, Nudisangishe hohamue, tubuele bietu mu misoko idi ne ngumbu.

Yirmeya 8:14

Tudi bashikame hanshi bua tshinyi? Tudisankishe hamue, tubuele mu misoko idi ne ngumbu, tufuilemu; bualu bua Yehowa Nzambi wetu wakutuhisha bua tuetu kufua, wakutunuisha mai adi ne lulengu bua tuetu kunua, bualu bua tuakuenzela Yehowa bibi.

Dielulula 20:16

Kadi misoko ya bantu aba idi Yehowa, Nzambi wenu, unuhayi bua nuenu kuyihiana, kanusungidi tshintu tshimue tshidi tshieyela muhuya;

Yoshua 10:10

Yehowa wakabalubakasha ku mpala kua Bena Isalele, wakabashiha ne dishiha dikole ku Gibeona; bakabihata mu nshila wa kubanda ku Bete-holona tô ne ku Azeka ne Makeda.

Yoshua 10:19

kadi kanushadiku, londai bena lukuna benu, shihai badi bashadile ha nyima; kanuitabushi bua babuele mu misoko yabo kabidi, bualu bua Yehowa, Nzambi wenu, wakabafila mu bianza bienu.

Yoshua 10:21

Bantu bonso bakahingana kudi Yoshua ku tshitudilu tshia ku Makeda talalâ: kakuakadi muntu wakahotela Bena Isalele kahidi.

Yoshua 11:12

Yoshua wakanyenga misoko yonso ya bakelenge aba ne bakelenge bai kabidi, wakabashiha ne muele wa nvita, wakababutula, bu muakamba Mose, muntu wa Yehowa.

Yoshua 11:8

Yehowa wakabafila mu bianza bia Bena Isalele, bakabashiha, bakabihata tô ne ku Sidona, musoko munene, ne ku Miselefota-mayima, ne ku tshibanda tshia Misepa tshia ku esete; bakabashiha tô, kabakashiya nansha umue.

Yoshua 8:24

Hakashikisha Bena Isalele kushiha Bena Ai bonso bakadi mu madimi ne mu tshihela kuakabalondabo, ne hakahonabo bonso ku miele ya nvita, tô ne hakajiminabo bonso, hashishe Bena Isalele bonso bakahingana ku Ai, bakaubutula ku miele ya nvita.