Yoshua 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mikalu ya buloba buenu neyikale ku tshihela etshi ne ku Lebanona eu tô ne ku musulu munene dina diau Pelata, buloba buonso bua Bena Hiti tô ne ku mai manene kudi kubuelela diba.

MUKANDA WA MYIDI MUKULU

⁴ Ditunga dienu nedialabale, biangatshile ku tshipela, kuinshi mu ditunga, too ne ku mikuna ya Lebanone ku mutu mu ditunga, biangatshile ku musulu munene wa Perate, luseke ludi diba dipatukila, dipitshila mu ditunga dia bena Iti, too ne ku Mayi manene a pankatshi pa matunga adi luseke ludi diba dibuelela.

Yoshua 1:4 ပူးပေါင်းရင်းမြစ်များ

1 Bakalenga 10:29

Bakasumba dikalu mu Ejipitu ku nshekele ya argent nkama isambombo, ne kabalu ku nshekele ya argent lukama ne makumi atanu. Bakabituadila hakelenge ba Bena Hiti ne ba Bena Sulia muomumue.

1 Bakalenga 4:21

Solomo wakakokesha makelenge onso ku musulu wa Pelata to ne ku buloba bua Bena Peleshete ne ku matshika a buloba bua Ejipitu; bakamulambula milambu, bakakuatshila Solomo mudimu tô matuku andi onso.

1 Kulondolola 18:3

Davidi wakahita Hadadezê, mukelenge wa Zoba, bukole tô ne ku Hamata, hakayeye bua kujadika bukelenge buandi kukala kua musulu wa Pelata.

1 Kulondolola 5:9

ne ku esete bakamuangalaka tô ne ku tshibuelelu tshia tshihela ku musulu wa Pelata, bualu bua bimuna biabo biakavulangana mu buloba bua Gilada.

Ezela 4:20

Bakelenge banene bakadi ku mutu kua Yelushalema, bakadi bakokesha buloba buonso bua dishiya dia musulu wa Pelata; bakadi bafila milambu ne bungendʼa mushinga ne mpunga kudibo.

Ekesode 23:31

Nenteke mikalu yenu ku Dishiba Dikunze tô ne ku mai manene a Bena Peleshete, ne ku tshihela tô ne ku musulu wa Pelata, bualu bua meme nenfile bena buloba mu bianza bienu, nuenu nenubihate ku mpala kuenu.

Dielulula 1:7

bishai luendu luenu, yai bienu ku mikuna ya Bena Amole, ne ku miaba yonso idi hehi nʼabo mu Alabâ ne mu mikuna ne mu bibanda, ne mu luseke lua ku Sude, ne hehi ne muelelu wa mai manene, mu buloba bua Bena Kanâna ne mu Lebanona tô ne ku musulu munene dina diau Pelata.

Dielulula 11:24

Miaba yonso mudi nudiata munda mua makasa enu neyikale yenu: ku tshihela ne mikuna ya Lebanona ne ku musulu munene wa Pelata tô ne ku mai manene adi ku nyima kuenu.

Dielulula 3:25

Witabushe bua meme nsabuke, utangile buloba buimpe budi dishiya dia Yadene, mukuna au muimpe, ne Lebanona.

Didimanyisha 9:14

mukuabo wamba kudi muanjelo muisambombo, wakadi ne mpungi ne, Sulula banjelo banai badi basuika ku musulu mimene Pelata.