Yobe 9:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ndi mumanye bimpe ne, Bualu ebu mbulelela; kadi muntu neamanye mua kuikala muakane ku mpala kua Nzambi munyi?

MUKANDA WA MYIDI MUKULU

² Bushuwa, ndi mumanye bionsu biudi wamba. Muntu udi mua kupisha Mvidi Mukulu anyi? Kabiena mua kuenzeka to.

Yobe 9:2 ပူးပေါင်းရင်းမြစ်များ

1 Bakalenga 8:46

Biakuenzelabo bibi (ne kakuena muntu udi kayi wenza malu mabi) ne wewe udi nʼabo tshiji, udi ubafila mu bianza bia bena lukuna babo bua kuyabo nʼabo bu bahika mu buloba bua bena lukuna, mu buloba budi kule anyi budi ha buihi;

Ezela 9:15

Yehowa, Nzambi wa Isalele, wewe udi muakane; bualu bua wewe wakatahila difuka dihanduka bu mudidi lelu eu; mona, tudi ku mesu kuebe mu kuhila kuetu; kakuena udi mumanye mua kuimana ku mpala kuebe bua bualu ebu.

Yobe 25:4

Nunku muntu wa ha buloba udi mua kubingishibua ku mesu kua Nzambi munyi? Udi muledibue kudi mukashi udi mua kuikala ne mutshima mutoke munyi?

Yobe 25:5

Ngondo mene mene kena ne dinkenka, mitoto kayena mulengele ku mesu kuandi.

Yobe 32:2

Hashishe tshiji tshia Elihu, muana wa Balakela, Muena Buzi, wa diku dia Lama, tshiakatema. Tshiakatemena Yobo, bualu bua yeye wakadingisha, kakabingisha Nzambi.

Yobe 33:9

Ndi ne mutshima mutoke, tshiena ne bualu bubi; ndi muakane, tshiena ne dihila bua malu mabi.

Yobe 34:5

Bualu bua Yobo udi wamba ne, Ndi muakane; Nzambi wakunyenga kulumbulula kuakane kundi.

Yobe 4:17

Muntu wa ha buloba udi mua kuikala muakane ku mesu kua Nzambi, anyi? Muntu udi mua kuikala ne mutshima mutoke ku mesu kua Mufuki wandi, anyi?

Yobe 9:1

Hashishe, Yobo wakamukudimuna ne,

Misambu 130:3

Yehowa, bu wewe mubale dihambuka dia bantu, muntu kai wakadi mua kuimana, Mukelenge?

Misambu 143:2

Kulumbuluishi muena mudimu webe, bualu bua kakuena muntu udi muakane ku mesu kuebe hatshidiye ne muoyo.

Rome 3:20

Bualu bua kakuena muntu wabingishibua ku mesu kuandi bua kuenza kua mikenshi. Bualu bua ku mikenshi kudi kufuma dijingulula dia bubi.