Yobe 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi udi ukonyangasha kulumbulula kuakane, anyi? Wa Bukole Buonso udi ukonyangasha buakane, anyi?

MUKANDA WA MYIDI MUKULU

³ Udi muitabe bulelela ne: Mvidi Mukulu, udi mua kubenga malu makane anyi? Wa bukole buonsu udi mua kupanga kulonda meji mimpe anyi?

Yobe 8:3 ပူးပေါင်းရင်းမြစ်များ

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

2 Kulondolola 19:7

Nunku ditshina dia Yehowa dikale kunudi; nudimuke bimpe bu munudi nuenza bualu bua kakuena malu mabi kudi Yehowa Nzambi wetu, yeye kena ne kansungusungu, kena witabusha bintu bia mbueshilu kudi muntu.

Yobe 10:3

Bidi bimpe ku mesu kuebe bua wewe kunkengesha, bua wewe kubenga mudimu wa bianza biebe, ne bua wewe kutemesha munya webe ku meji a bantu babi, anyi?

Yobe 19:6

nuamanya bienu ne, Nzambi wakutamba bukole, wakunnyunguluka ne bukuondo buandi.

Yobe 19:7

Monai, ndi ngela dî dikole ne, Badi bakeba kunshiha, kadi kabena bunvua dî dianyi; ndi ngela di dikole ne, Unkuatshishe, kadi kulumbulula kuakane kakuenaku.

Yobe 21:15

Wa Bukole Buonso udi tshinyi, bua tuetu kumukuatshila mudimu? Bidi bitukuatshisha munyi bua tuetu kumutendelela?

Yobe 21:20

Mesu andi mene amone kubutuka kuandi, yeye mene anue tshiji tshikole tshia Wa Bukole Buonso.

Yobe 34:5

Bualu bua Yobo udi wamba ne, Ndi muakane; Nzambi wakunyenga kulumbulula kuakane kundi.

Yobe 35:13

Bulelela, Nzambi kena unvua muadi wa hatuhu, Wa Bukole Buonso kena uteleja matshu andi kudiu.

Yobe 36:23

Wakamusunguila nshila idiye ne bua kuendela nganyi? Udi mumanye mua kumuambila ne, Wewe wakuenza bienzedi bidi kabiyi biakane nganyi?

Yobe 36:3

Nengambe lungenyi luanyi lunakuangata ku miaba ya kule, nennuleshe ne, Mufuki wanyi udi ne buakane.

Yobe 37:23

Katuena bamanye mua kujingulula malu onso a Wa Bukole Buonso; yeye udi munene mu bukole buandi, ne bualu bua yeye udi ne buakane bukumbane bua bungi, kena ukengesha muntu tshianana.

Yobe 4:17

Muntu wa ha buloba udi mua kuikala muakane ku mesu kua Nzambi, anyi? Muntu udi mua kuikala ne mutshima mutoke ku mesu kua Mufuki wandi, anyi?

Yobe 40:2

Muntu udi udiula mei andi neasue kubambakasha mei ne Wa Bukole Buonso, anyi? Muntu udi utetangana mei ne Nzambi, itabe makonka andi.

Yobe 40:8

Wewe udi musue kuvuisha kulumbuluisha kuanyi kuakane ne, Kudi tshianana, anyi? Udi musue kunuisha meme bua wewe umanye mua kubingishibua, anyi?

Yobe 9:2

Ndi mumanye bimpe ne, Bualu ebu mbulelela; kadi muntu neamanye mua kuikala muakane ku mpala kua Nzambi munyi?

Misambu 89:14

Buakane ne kulumbulula kuakane bidi bishimikidi bia nkuasa webe wa butumbi; luse lujalame ne lulamatu lua bushuwa bidi bienda ku mpala kuebe.

Misambu 99:4

Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Yezekiyele 18:25

Kadi nuenu nudi nuamba ne, Nshila wa Mukelenge kena mululame. Unvuai, nuenu ba mu tshisamba tshia Bena Isalele. Nshila wanyi kena mululame, anyi? Nshila yenu kayena mikonyangale, anyi?

Yezekiyele 33:17

Kadi bana benu badi bamba ne, Nshila wa Yehowa kena mululame; tudi tuamba ne, Nshila wabo kena mululame.

Yezekiyele 33:20

Kadi nudi nuamba ne, Nshila wa Mukelenge kena mululame. Nuenu Bena Isalele, nennulumbuluishe, muntu ne muntu, bu mudi bienzedi biandi.

Danyele 9:14

Bua malu â Yehowa wakalongolola dikenga edi, wakadituma kutudi: bualu bua Yehowa Nzambi wetu udi muakane mu bienzedi biandi bionso, tuetu katuakutumikila dî diandi.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Didimanyisha 16:7

Nakunvua tshioshelu tshiamba ne, E, Mukelenge Nzambi, Wa Bukole Buonso, malumbuluisha ebe adi malelela ne makane.