Yobe 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Udi ne nzala udi udia bintu biakahuolabo, udi ubinyenga munkatshi mua meba mene; ne banyenga badi bubulula mukana bua kumina bintu biabo.

MUKANDA WA MYIDI MUKULU

⁵ Bivuaye mupete babidie kudi bantu bakuabu. Nansha yeye muele mpangu meba, bamunyenge bia mu madimi ende, badi ne lukuka badie bia pa madimi ende bionsu.”

Yobe 5:5 ပူးပေါင်းရင်းမြစ်များ

2 Kulondolola 33:11

Nunku Yehowa wakatuma tupitene tua masalayi a mukelenge wa Ashû kudibo, bakakuata Manashe, bakamusuika nkanu, bakaya nʼandi ku Babulona.

Yobe 1:15

Bena Seba bakabikuata, bakaya nʼabi; bakashiha bansongalume bakadi bayilama ku muele wa nvita. Anu meme nkayanyi nakuhanduka bua kukuambila.

Yobe 1:17

Hakatshidiye wakula, mukuabo wakalua, wakamba ne, Bena Kasada bakaditahulula mu bisumbu bisatu, bakakuata tumelo, bakaya nʼatu, bakashiha bansongalume bakadi batulama ku muele wa nvita; anu meme nkayanyi nakuhanduka bua kukuambila.

Yobe 12:6

Ntenta ya banyengi ba bintu idi anu ne diakalengele, ne badi bakuatshisha Nzambi tshiji badi bashikama talalâ, nansha yonso mulue ne nzambi wandi mu tshianza tshiandi.

Yobe 2:3

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi. Yeye utshidi unanukila kulamata ku buakane buandi, kadi wewe wakanshikila bualu buandi bua kumubutula kayi ne bualu,

Yobe 20:15

Yeye udi umina biuma, ne udi ubiluka kabidi; Nzambi udi ubihatula mu difu diandi.

Yobe 20:22

Mu dikumbana dia bintu biandi yeye neakengele bintu; tshianza tshia muntu yonso udi mu dikenga netshimukengeshe.

Yobe 22:10

Nunku mateyi adi akunyunguluka, ne buowa budi bukukuata lubilu.

Misambu 109:11

Musombeshanganyi angate bintu bionso bidiye nʼabi ku mateyi andi. Benyi bahaule bionso biakuheteye ku mudimu wandi.

Yeshaya 62:8

Yehowa wakuditshiha ku tshianza tshiandi tshia balume, ne ku diboko diandi dikole ne, Bulelela, tshiena nfila maminu ebe kabidi bu bia kudia kudi badi nʼebe lukuna; ne bantu ba bende kabena banua nyinyo webe muhia-muhia uwakukuatshila mudimu.

Yirmeya 51:34

Nebukadenesâ, mukelenge wa Babulona, wakundia, wakundiata munda mua makasa andi, wakunvuisha bu dilonga didi munda mutuhu, wakummina bu mudi nyama munene wenza, wakûsha matama andi tente ne bia kudia bianyi bia nse, wakunsukasha.

Yirmeya 51:44

Nenkengeshe Bele mu Babulona, nempatule bintu biakumineye mukana muandi. Bena lukanu ba mu bisamba bia bantu kabena baya mu bisumbu kudiye kabidi, e, lumbu lua Babulona luakushimbuka.

Muadi 2:16

Bena lukuna bebe bonso bakubutula mukana muabo bua kukuhenda; badi bakubingila basumakana menu, bamba ne, Tuakumumina; bulelela, edi ndituku dituakutekemena; tuakudiheta, tuakudimona ne mesu.

Muadi 2:5

Mukelenge wakulua bu muena lukuna, wakubutula buloba bua Isalele; wakûhula nsubu yandi yonso ya bakelenge, wakushimbula misoko yandi minyunguludibue ne ngumbu; wakuvudishila muana mukashi wa Yuda madilu ne muadi.

Osheya 8:7

Bua bobo badi bakuna luhehele, nebahuole nvunde; kakuena kuikala lukolakola lua manvua; lutonga kaluena lukuama tshintu; biakuamalu, bantu ba bende nebadie maminu alu.

Dielulula 28:33

Tshisamba tshinudi kanuyi bamanye nebadie bintu biakadiunda mu buloba bualu bua mudimu wenu; nebanunyange, nebanudiate matuku onso;

Dielulula 28:51

bobo nebadie kukumbana kua bimuna bienu, ne bintu biakadiunda mu buloba buenu tô ne hanuajimishibua; kabena banushila kabidi manvua anyi nvinyo mihia-mihia anyi manyi anyi kukumbana kua bimuna bienu anyi bana ba mikoko yenu tô ne hanuajimishibua kudibo.

Balombodi 6:11

Muanjelo wa Yehowa wakalua, wakashikama muinshi mua mutshi wa telebinta wa mu Ofela, mu buloba bua Yoasha, muena Abiezê; ne muanʼandi Gideona wakadi ushihula blé mu tshikaminu tshia tumuma bua kuyisokoka kudi Bena Midiyana.