Yobe 40:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe udi ne diboko bu dia Nzambi, anyi? Udi mua kuela dî diebe bu mukungulu wa nvula bu mudiye wenza, anyi?

MUKANDA WA MYIDI MUKULU

⁹ Udi ne bukole bundi meme nabu anyi? Diyi diebe ndikole bu dianyi anyi?

Yobe 40:9 ပူးပေါင်းရင်းမြစ်များ

Yobe 23:6

Yeye wakadi kufuilangana nʼanyi mu bukole buandi bunene, anyi? Nansha; wakadi kungunvuila.

Yobe 37:2

Unvua biebe, unvua tshiona tshia dî diandi ne mukungulu udi uhatuka mukana muandi.

Yobe 9:4

Yeye udi ne meji mu mutshima, ne udi ne bukole buhite, muntu kai wakukolesha mutshima wandi ku mpala kuandi ne wakutula dikasa dimpe?

Misambu 29:3

Di dia Yehowa didi ha mai; Nzambi wa butumbi udi ukungusha mikungulu ya nvula, Yehowa mene udi uyikungusha ha mutu ha mai mangi.

Misambu 29:4

Dî dia Yehowa didi dî dikole, dî dia Yehowa didi diule tente ne butumbi.

Misambu 89:10

Wewe wakabetekasha Lahaba, wakamuvuisha bu tshitalu tshia muntu mushihibue, wakamuangalasha badi nʼebe lukuna ne diboko diebe dikole.

Misambu 89:13

Wewe udi ne diboko didi ne bukole; tshianza tshiebe tshidi tshikole, tshianza tshiebe tshia balume tshidi tshibandishibue kulu.

Misambu 98:1

Nuimbile Yehowa musambu muhia-muhia, bualu bua wakuenza malu manene a kukema. Tshianza tshiandi tshia balume ne diboko diandi dia tshijila biakumuhetela luhandu.

Ekesode 15:6

Yehowa, tshianza tshiebe tshia balume tshidi ne butumbi ne bukole, Yehowa, tshianza tshiebe tshia balume tshidi tshisunsula bantu badi nʼetu lukuna.

Yeshaya 45:9

Mulau wikale kudi muntu udi ufuilangana ne Mufuki wandi! Ntshiyoyo munkatshi mua biyoyo bia ha buloba! Dima nedikonke mufumbi udi udifumba ne, Udi wenza tshinyi, anyi? Anyi mudimu webe udi mua kukuambila ne, Wewe kuena ne bianza, anyi?

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Yirmeya 50:24

Wewe Babulona, nakukuelela buteyi, wakukuatshibuamu kuyi muanze bukudimuka; bakukusanganamu, bakukukuata, bualu bua wewe wakuluangana ne Yehowa.

Yezekiyele 10:5

Tshiona tshia mahuahua a bakeluba tshiakunvuibua tô ne ku tshiendelu tshia ha mbelu ha nsubu, tshikale tshikole bu dî dia Nzambi Mutambe Bukole hakuleye.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Yoshua 4:24

bua bantu bonso ba ha buloba bamanye ne, Tshianza tshia Yehowa tshidi tshikole; ne bua nuenu nutshine Yehowa, Nzambi wenu, tshiendelele.