Yobe 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

MUKANDA WA MYIDI MUKULU

⁵ Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Yobe 3:5 ပူးပေါင်းရင်းမြစ်များ

Yobe 16:16

Mpala wanyi wakulua mukunzekunzû bualu bua kudila kuanyi, ne ha bilafinyi bianyi hadi mundidimbi ya lufu.

Yobe 24:17

Bualu bua mundankulu mudi bu dinda kudibo bonso, bua bobo badi bamanye malu a mundankulu adi akuatshisha bantu buowa.

Yobe 28:3

Bantu badi bihata midima, badi baya ne minda tô ne kunfudilu kua tshina, badi bakeba tubanda ludi mu mufitu ne mîdima mikole.

Yobe 3:4

Dituku adi dikale mîdima; Nzambi wa mu diulu kadikebi; munya kauditemenyi.

Yobe 3:6

Bua bufuku abu, mîdima mikole ibukuate; kabuikadi ne disanka munkatshi mua matuku a tshidimu; kabubadibu munkatshi mua ngondo.

Yobe 34:22

Kakuena midima, kakuena mufitu mukole kudi benji ba malu mabi bamanye mua kusokomena.

Yobe 38:17

Bakusokoluela bibi bia ku lufu, anyi? Wewe wakumona bibi bia ku mundidimbi wa lufu, anyi?

Misambu 107:10

Banga bantu aba bakashikama mu mîdima ne mu mufitu muhite bukole, bakadi basuikibua mu makenga ne mu nkanu ya tshiamu tshifike,

Misambu 107:14

Wakabaluhula mu midima ne mu mufitu mukole, wakatshibula nkanu yabo bituha.

Misambu 23:4

Nansha bingenda muhitshile mu luhongo lua mundidimbi wa lufu, tshiena ntshina bualu bubi; bualu bua wewe udi nʼanyi; tshibongo tshiebe ne tshibangu tshiebe bidi binsamba.

Misambu 44:19

bua wewe wakuntshibula bituha bituha bua muanda eu mu muaba wa mizeu, ne bua wewe wakutubuikila mu mîdima mikole.

Yeshaya 9:2

Bakadi benda mu midima bakumona munya munene; ha bantu bakadi bashikame mu buloba bua mîdima mikole hakatemena munya au.

Yirmeya 13:16

Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yezekiyele 30:3

Bualu bua dituku adi didi ha buihi, dituku dia Yehowa mene didi ha buihi, nedikale dituku didi ne matutu, tshikondo tshia kubutuka kua bisamba bia bantu.

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Amosa 5:8

Yeye wakafuka mitoto ya Tshidiminanzashi ne ya Nyama ne Mbua ne Muntu, udi ukudimuna mundidimbi wa lufu bua kuluau bu dinda, udi ukudimuna munya bua kuluau butuku; udi Ubikila mai a mu mai manene kudiye, ne udi wahongoluela ha buloba; Yehowa ndina diandi.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Matayi 4:16

Bantu bakadi bashikame mu midima Bakatangila dinkenka dinene, Munya wakatemena bantu bakadi bashikame mu muaba wa lufu Ne mu mundidimbi walu.

Luke 1:79

Bua kutokeshela badi bashikame mu mîdima ne mu dileshi dia lufu, Ne bua kuendesha makasa etu mu nshila wa ditalala.

Dielulula 4:11

Nuenu nuakalua ha buihi, nuakimana kuinshi kua mukuna; mukuna wakatema kahia tô ne mu diulu, ne midima mikole ne matutu.

Ebrewu 12:18

Bua kanuakulua ku mukana udibo bamanye mua kulenga tshianza, wakatema kahia, anyi ku bufike ne ku midima ne ku tshihehele tshikole,