Yobe 18:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nzala neidie bukole buandi buonso, dibutuka nedimuindile mu nshila.

MUKANDA WA MYIDI MUKULU

¹² Yeye uvua ne bukole, ukadi ufua ne nzala. Dikenga didi nseke yende yonsu.

Yobe 18:12 ပူးပေါင်းရင်းမြစ်များ

Yobe 31:3

Kabuena dikenga kudi bantu babi, anyi? Kabuena dibutuka kudi benji ba malu mabi, anyi?

Misambu 109:10

Bana bandi bikale bena tshiendenda, balombe biabo bintu. Badikebele bia kudia biabo kule ku miaba mibutuke idibo bashikame.

Misambu 34:10

Bana balume ba nyama ya ntambue badi bakengela bia kudia, nzala idi ibasuma; kadi badi bakeba Yehowa kabena bakengela tshintu tshimpe tshimue.

Yeshaya 8:21

Nebahitshile mu buloba batata bikole ne nzala ibasuma; ne mu diba adi bikalabo ne nzala, tshiji netshibakuate, nebahende mukelenge wabo ne Nzambi wabo. Nebatangishe mpala yabo mulu,

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

2 Petro 2:3

Bualu bua lukuka lua biuma bobo nebendulule nʼenu mushinga ne mei a mashimi; dihila diabo diakabahishabo nʼadi kale kadiena dishanguluka, ne dibutuke diabo kadiena dilala tulu.

1 Samuele 2:36

Hashishe yonso washala mu nsubu webe nealue, neamukukuile bua kuangateye argent umue ne mutanda wa bidia: neambe ne, Ndi nkusengelela ne, Umbuesheku mu mudimu wa buakuidi bua meme mpeteku bia kudia.

1 Samuele 2:5

Bakadi bukuta mafu bakabuela mu mudimu bua kuangatabo bidia: bakadi ne nzala kabena ne nzala kabidi: wakadi nkumba wakalela bana muanda mutekete: wakadi ne bana ba bungi udi unyingalala.