Yobe 17:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bantu bakane badi bakema bua muanda eu, muntu udi kayi ne tshilumbu udi ujuka bua kukanda bantu babi.

MUKANDA WA MYIDI MUKULU

⁸ Bantu ba muoyi muimpe badi bamona dikenga dianyi, badi bakatshila. Bantu badi badiamba ne: tudi bantu bimpe, badi bakema, bamona meme bu muena tshibawu.

Yobe 17:8 ပူးပေါင်းရင်းမြစ်များ

Ezela 9:3

Hanakunvua bualu ebu, nakadihanda bilulu bianyi ne tshikowelu tshianyi, nakadila nsuki yanyi ne muedi wanyi; akashikama hanshi ntua mikemu.

Yobe 22:19

Bantu bakane badi bamona malu â ne badi basanka, badi kabayi ne tshilumbu badi baseka bantu babi,

Yobe 34:30

bua muntu udi ubenga Nzambi kamanyi mua kukokesha, kamanyi mua kukuata bantu mu buteyi.

Misambu 37:1

Kunyingabadi bua benji ba malu mabi, kuikadi ne badi benza bienzedi bibi mukau.

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.

Muambi 5:8

Biwatangila bahele bakengeshibue ne kunyanga kua bilumbuluidi ne kushiha kua mikenji mu province wenu, kukemi bua malu au; bualu bua banfumu bonso badi ne banga badi babatangila, ne udi mubatambe bonso udi ha mutu habo.

Abakuke 1:13

Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Bienzedi 13:46

Paulo ne Bânaba bakajukuila bantu, bakamba ne, Butuakadi nʼabu mbua kunuambila nuenu dî dia Nzambi diambedi. Kadi bualu bua nuenu nudi nuhidia dî edi, ne nudi nudilumbuluila bualu buenu ne, Katuena bantu bakane ba kuangata muoyo wa tshiendelele, tuetu netuye kudi bantu ba bisamba bia bende.

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!