Yirmeya 7:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Nunku Yehowa udi wamba ne, Monai matuku alualua, hikalabo kabayi babikila tshibumba ne, Tofete, anyi ne, Luhongo lua muana mulume wa Hinoma; kadi nebalubikile ne, Luhongo lua Kushihelamu Bantu; bualu bua nebajike bantu mu Tofete, kakuena kuikala muaba mukuabo wa kubajikamu.

MUKANDA WA MYIDI MUKULU

³² Ke mudi Maweja-Nangila wamba ne: Matuku adi kumpala, kabena mua kuinyika kabidi muaba ewu ne: “Tofete,” nansha ne: “tshibandabanda tshia Inome” to. Nebinyike muaba awu ne: ‘Tshibandabanda tshia dishipangana?” Nebajike bantu bafue anu muaba awu. Kabakupeta lukita muaba mukuabu to.

Yirmeya 7:32 ပူးပေါင်းရင်းမြစ်များ

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

Yirmeya 19:11

ubambile ne, Yehowa wa misumba udi wamba ne, Nembutule bantu aba ne musoko eu bu mudi muntu ushiha mulondo wa mufumbi udibo kabayi bamanye mua kufumba bua kuikalau mujima kabidi; nebajike bantu mu Tofete bualu bua kakuena kushala munga muaba bua kubajika.

Yirmeya 19:13

Nsubu ya mu Yelushalema ne nsubu ya bakelenge ba Yuda, nsubu idibo banyanga, neyikale bu muaba wa Tofete, nsubu yonso mene kuakadibo boshila bintu bionso bia mu diulu musenga wa manananshi ha mutu hai, kuakadibo bahongoluela nzambi mikuabo milambu ya bia kunua.

Yirmeya 19:2

uye nʼabo mu tshibanda tshia muana mulume wa Hinoma, tshidi ku tshibuelelu tshia tshibi tshia Hâsita, ubambileku mei andi nkuambila.

Yirmeya 19:6

Nunku Yehowa udi wamba ne, Monai, mu matuku alualua kabena babikila muaba eu kabidi ne, Tofete, anyi Tshibanda tshia muana mulume wa Hinoma, kadi nebaubikile ne, Tshibanda tshia Kushihelamu Bantu.

Yirmeya 31:40

Tshibanda tshionso tshia Hinoma, tshidi ne bitalu ne butue, ne madimi onso adi ayila tô ne ku kasulu ka Kidilona, tô ne ku ditumba dia tshibi tshia tubalu ku luseke lua esete, nebikale miaba ya tshijidila kudi Yehowa; kabena babitula kabidi, kabena babishimbula tô ne tshiendelele.

Yirmeya 7:31

Bakuasa bibumba bia Tofete bidi mu luhongo lua muana mulume wa Hinoma, bua kuoshahu bana babo ba balume ne bana babo ba bakashi mu kahia; badi benza bualu bundi tshiyi muele mukenji, bundi tshiyi muele meji bua bobo kubuenza.

Yezekiyele 6:4

Nebashimbule bioshelu bienu ne makunshi anudi nutendelela nʼau diba; nengele bana benu bashihibue hanshi ku mpala kua mpingu yenu.

Lewitiki 26:30

Meme nenshimbule bitendelelu bienu bidi ku mutu kua mikuna, nenkose mpingu inudi nutendelela nʼai diba, nengele bitalu bienu ha mutu ha mpingu yenu, mutshima wanyi neunulengulule.