Yirmeya 7:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Neubambile mei â onso, kedi kabena bunvua dî diebe; neubabikile, kadi kabena bitaba kûdi.

MUKANDA WA MYIDI MUKULU

²⁷ Nenku wewe Yirmeya, neuye kubambila bionsu ebi. Kadi kabakunteleja. Neubabikile mu dina dianyi bua badilengeje, kadi kabakukuandamuna to.

Yirmeya 7:27 ပူးပေါင်းရင်းမြစ်များ

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 65:12

nennusunguile lufu lua ku muele wa nvita, ne buonso buenu nenuinyike mitu ku kubutuka; bualu bua, hanakanubikila, kanuakitaba; hanakamba dî, kanuakateleja matshu; kadi nuakenza malu akadi mabi ku mesu kuanyi, nuakasungula malu akadi kâyi ansankisha.

Yirmeya 1:19

Yehowa wakamba ne, Nebaluangane nʼebe, kadi kabena bakuhita bukole; bualu bua meme ndi nʼebe bua kukuhandisha.

Yirmeya 1:7

Kadi Yehowa wakangambila ne, Kuambi ne, Ntshidi anu muana; bualu bua neuye kudi muntu yonso kundi nkutuma, newambe mei onso anakuambila.

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Zekâya 7:13

Hashishe, Yehowa wa misumba wakamba ne, Nakababikila, kadi bobo kabakangunvuila. Nunku bobo nebadile kundi, ne tshiena mbunvuila.

Bienzedi 20:27

Tshiakatshina bua kunuambila malu onso adi Nzambi musue.