Yirmeya 7:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

MUKANDA WA MYIDI MUKULU

²⁴ Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Yirmeya 7:24 ပူးပေါင်းရင်းမြစ်များ

Nehemya 9:29

wewe wakabadimusha bua kubahingisha ku mikenji yebe kabidi. Kadi bobo bakadisua, kabakatumikila mikenji yebe, bakashiha mei ebe majalame (biâtumikila muntu, yeye neikale ne muoyo kudiu), bakasaka makaya, bakambula mpala yabo, kabakunvua.

Misambu 81:13

Nakadi kusua bua bantu banyi bunvue mei anyi, ne bua Bena Isalele bende mu nshila yanyi!

Yirmeya 13:10

Bantu aba babi badi bahidia kunvua mei anyi, badi benda mu tshitshu tshia mu mitshima yabo, bakalonda nzambi mikuabo bua kuyikuatshilabo mudimu ne bua kuyitendelelabo, nebikale bu mukaba eu udi kauyi ne mudimu kabidi.

Yirmeya 13:11

Bualu bua bu mudi mukaba ulamatangana ne tshifuka tshia muntu, nunku Yehowa udi wamba ne, Nakulamakasha Bena Isalele bonso ne Bena Yuda bonso kundi, bua bobo bikale kundi bu bantu banyi, bu dina dianyi, bu butumbi buanyi ne bu buneme buanyi; kadi bobo kabakunvua.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 16:12

Nuenu kabidi nuakuhita batatu benu kuenza malu mabi; bua, monai munudi nuenda, muntu ne muntu, mu tshitshu tshia mutshima wandi mubi, kayi ungunvuila.

Yirmeya 17:23

Kadi bobo kabakunvuila, kabakateleja matshu abo, kadi bakakolesha mitshimi yabo, bua kabunvu biabo, kabitabushi diyisha dianyi.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 18:10

bienzabo malu adi mabi ku mesu kuanyi, bualu bua kabena batumikila dî dianyi, ke nenkudimune mutshima wanyi bua malu mimpe anakadianjila kuamba ne, Nembenzeleu.

Yirmeya 18:12

Kadi badi bamba ne, Ebu mbualu bua hatuhu; bua netulonde anu malu atudi basue kulonda, netuenze bietu, muntu ne muntu, bu mudi tshitshu tshia mu mutshima wandi mubi.

Yirmeya 2:27

badi bambila tshibasa tshia mutshi ne, Wewe udi tatu wetu; badi bambila dibue ne, Wewe wakatulela; bualu bua bakunkoma nyima yabo, kabakutangisha mpala yabo kundi; kadi mu tshikondo tshialua makenga kudibo nebangele dî ne, Juka, utusungile!

Yirmeya 22:21

Nakakuambila dî hawakadi ne diakalengele diebe; kadi wewe wakamba ne, Tshiena ngunvua nansha. Etshi tshiakadi tshilele tshiebe tshia ku buana buebe ne wewe kuakutumikila dî dianyi.

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Yirmeya 3:17

Mu tshikondo atshi nebabikile Yelushalema ne, Nkuasa wa bukelenge wa Yehowa; bantu ba mu bisamba bionso nebadisangisheku bua kutumbisha dina dia Yehowa mu Yelushalema; kabena benda kabidi bu muakadi tshitshu tshia mu mitshima yabo mibi.

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.

Yirmeya 32:33

Bakunkoma nyima, kabena bandesha mpala yabo; nansha hanakubayisha, mbika ne lunkelu mene bua kubayisha, kabakuteleja matshu bua kunvua diyisha dianyi,

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Yirmeya 6:16

Yehowa udi wamba ne, Imanai mu nshila, numone, nukonke bua nshila ya diambedi, kudi nshila muimpe, nuendelemu, nenuhete dikisha mu mitshima yenu. Kadi bobo bakamba ne, Katuena tuendelamu.

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Yirmeya 9:14

kadi bakulonda anu mampaka a mu mitshima yabo, ne bakulonda Babâla, bu muakabayishabo kudi batatuʼabo.

Yezekiyele 20:13

Kadi Bena Isalele bakantombokela mu tshihela, kabakalonda mei anyi, bakahidia mikenji yanyi idi ivuisha muntu muoyo hayenzeye, ne bakanyanga matuku anyi a mbingu. Nunku nakahangidisha bua kubakoleshila tshiji tshianyi mu tshihela bua kubabutula.

Yezekiyele 20:16

Bualu bua bakabenga mikenji yanyi, kabakalonda mei anyi ne bakanyanga matuku anyi a mbingu; bualu bua mitshima yabo yakadi isamina mpingu yabo muoyo.

Yezekiyele 20:21

Kadi bana bakantombokela kabidi; kabakenda mu mei anyi, kabakatumikila mikenji yanyi bua kuyenza, idi ivuisha muntu muoyo hayenzeye; bakanyanga matuku anyi a mbingu. Nunku nakahangidisha bua kubakoleshila tshiji tshianyi, bua Kubamanyina tshiji tshianyi tshikole mu tshihela.

Yezekiyele 20:8

Kadi bobo bakantombokela, kabakangunvuila. Kabakimasha, muntu ne muntu, bintu bia tshinyangu biakadi bibasamina muoyo, kabakalekela mpingu ya mu Ejipitu. Nunku nakahangidisha bua kuba koleshila tshiji tshianyi, bua kubamanyina tshiji tshianyi tshikole mu buloba bua Ejipitu.

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Osheya 10:6

Nebaye nʼandi kabidi ku Ashû, bua kumufila bu mulambu kudi Mukelenge Yaleba. Bena Efelayima nebakuatshike bundu, ne Bena Isalele nebakuatshike bundu bua meji akadibo balesha bakuabo.

Osheya 4:16

Bena Isalele bakulua bena tshitshu bu lukungulu lua ngombe ludi ne tshitshu; Yehowa neamanye mua kubadisha bu mudiye udisha muana wa mukoko mu mpata mimene, anyi?

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.

Zekâya 7:11

Kadi bobo bakabenga kungunvuila, bakasaka makaya, bakajibika matshu abo bua bobo kabunvu.

Dielulula 29:19

Kadi bikala muntu udi unvua mei a mulau eu udiamba mu mutshima wandi ne, Meme nengikale ne ditalala nansha binalonda tshitshu tshia mu mutshima wanyi, bua kutenteka dikuatshika ha mutu ha nyota,