Yirmeya 6:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Badi bakuata buta ne difuma; badi ne lukisu, kabena ne luse; tshiona tshiabo tshidi bu tshiona tshia mai manene; badi babanda ha nyima ha tubalu, muntu yonso mudilongolole bua kukuluisha, wewe, muana mukashi wa Siona.

MUKANDA WA MYIDI MUKULU

²³ Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Yirmeya 6:23 ပူးပေါင်းရင်းမြစ်များ

Yeshaya 10:32

Dituku edi mene neatule ku Nobo, neavunge mbala ku mukuna wa muana mukashi wa Siona, mukuna wa Yelushalema mene.

Yeshaya 13:18

Mata abo neasunsule mibidi ya bansongalume, kabena bafuila badi bahatuka mu mafu luse, mesu abo kaena amona bana ne dinanga dia mua kubasungila.

Yeshaya 17:12

Aka! Mutoyi wa bantu ba bungi udiku, badi bahisha mutoyi udi bu tshiona tshia mai manene! Diyoyo didiku dia luendu lukole lua bisamba bia bantu badi benda lubilu bu mudi dihueka dia lukasa dia mai mahita bungi!

Yeshaya 19:4

Mukelenge, Yehowa wa misumba, udi wamba ne, Nenfile Bena Ejipitu mu bianza bia mukokeshi udi muena tshinyangu; ne mukelenge udi ne luonji neabakokeshe.

Yirmeya 25:32

Yehowa wa misumba udi wamba ne, Makenga neamuangalake mu tshisamba ne mu tshisamba tshia bantu, tshihuhu tshinene netshibike, tshifume kunfudilu kua buloba.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Yirmeya 4:13

Monai! Yeye udi ubandaku bu mudi matutu abanda, makalu andi a nvita nende lubilu bu nvunde; tubalu tuandi tudi tuhita nyunyu ya mikanku lubilu. Mulau udi utukuata! Bualu bua tuakubutuka.

Yirmeya 4:16

Nuambile ba mu bisamba bia bantu bualu ebu; nuambile ba mu Yelushalema kabidi ne, Monai, batentekedi badi bafuma ku buloba budi kule, badi bela misoko ya mu Yuda dî bua kuyidimusha,

Yirmeya 4:29

Ba mu misoko yonso badi banyema bua tshiona tshia bena nvita, badi babanda ha nyima ha tubalu ne tshiona tshia bena mata; badi baya mu bihuka, badi babanda ha mutu ha mabue; badi bashiya misoko yonso hatuhu, kakuena muntu udi mushikamemu.

Yirmeya 5:16

Musaka wabo wa mikete udi bu lukitu lushiya buashi, buonso buaho badi bena bukitu.

Yirmeya 50:41

Tangilai, bantu bakuabo badi bafuma ku luseke lua nôde, ba mu tshisamba tshinene ne banfumu ba bungi nebabishibue tô ne kunfudilu kua buloba.

Yirmeya 50:42

Badi batubula buta ne difuma, badi ne lukinu ne kabena ne luse. Dî diabo didi dikungula bu tshiona tshia mai manene; badi babanda ha nyima ha tubalu, buonso buabo badi badilongolola mu mualu wa nvita bu muntu umue bua kuluangana nʼebe, wewe muana mukashi wa Babulona.

Yirmeya 6:4

Nulongolole nvita bua kumuluisha; jukai, tuye kuluangana nʼandi munda munya. Mulau udi utukuata! Diba didi diamba kubuela; mindidimbi ya dilolo idi ileha.

Yirmeya 8:16

Badi bunvua kufembula kua tubalu tuabo kufuma mu Dana; hunvua buloba bujima muadi wa balume ba tubalu tuabo, budi bukanka; bualu bua bakumana kufika, bakudia buloba ne bintu bionso bidimu, musoko ne bantu bonso badi bashikamemu.

Yezekiyele 21:31

Nenkukoleshe tshiji tshianyi, nenkuelele kahia ka tshiji tshianyi; nenkufile mu bianza bia bantu badi bu nyama mene, badi ne lungenyi lule lua kubutula nʼalu bakuabo.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;