Yirmeya 6:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku unvuai, nuenu bisamba bia bantu, numanye kabidi, nuenu badi badisangisha, bualu budi buamba kubakuata.

MUKANDA WA MYIDI MUKULU

¹⁸ Nanku, bisamba bionsu, telejayi, numanye bualu buavua kuenzekela bantu banyi.

Yirmeya 6:18 ပူးပေါင်းရင်းမြစ်များ

Yeshaya 5:3

Nunku, nuenu badi bashikame mu Yelushalema, ne bantu ba mu Yuda, ndi nnusengelela ne, Nulumbulule tshilumbu tshidi hankatshi hanyi ne budimi buanyi.

Yirmeya 31:10

Nuenu ba mu bisamba bia bantu, unvuai dî dia Yehowa, nudiambe mu maloba a ku muelelu wa mai manene adi kule; nuambe ne, Wakatangadisha Bena Isalele neabasangishe kabidi, neabalame bu mudi mulami ulama mikoko yandi.

Yirmeya 4:10

Hashishe nakamba ne, Aka! Mukelenge Yehowa! Bulelela, wakudinga bantu aba ne ba mu Yelushalema bikole hawakamba ne, Nenuikale ne ditalala, kadi muele wa nvita udi ubatubula tô ne ku mioyo yabo.

Yirmeya 4:16

Nuambile ba mu bisamba bia bantu bualu ebu; nuambile ba mu Yelushalema kabidi ne, Monai, batentekedi badi bafuma ku buloba budi kule, badi bela misoko ya mu Yuda dî bua kuyidimusha,

Yirmeya 6:17

Nunku nakateka batentekedi ha mutu henu, nakanuambila ne, Telejai matshu ku dî dia mpungi; kadi bakamba ne, Katuena tuditeleja.

Yirmeya 6:19

Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

Mika 6:5

Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.