Yirmeya 5:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nebadie bintu bia mu madimi enu ne bidia bienu, nebashihe bana benu ba balume ne bana benu ba bakashi; nebadie bisumbu bienu bia mikoko ne bimuna; nebanyange mionshi yenu ya tumuma ne mitshi ya nfigi; nebashimbule misoko yenu ya ngumbu inuakueyemena ne muele wa nvita.

MUKANDA WA MYIDI MUKULU

¹⁷ Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Yirmeya 5:17 ပူးပေါင်းရင်းမြစ်များ

Yeshaya 62:8

Yehowa wakuditshiha ku tshianza tshiandi tshia balume, ne ku diboko diandi dikole ne, Bulelela, tshiena nfila maminu ebe kabidi bu bia kudia kudi badi nʼebe lukuna; ne bantu ba bende kabena banua nyinyo webe muhia-muhia uwakukuatshila mudimu.

Yeshaya 62:9

Kadi badi babihuola nebabidie ne nebatumbishe Yehowa; badi basangisha tumuma nebanue nvinyo yatu mu biendelu bia tshitendelelu tshianyi.

Yeshaya 65:22

Kabena basa nsubu bua mukuabo abuelemu; kabena bakuna bintu bua mukuabo abidie; bualu bua bu mudi matuku a muoyo wa mutshi mbu mudi matuku a bantu banyi, ne bantu banakusungula nebasanke musangu mule mu mudimu wa bianza biabo.

Yirmeya 1:15

Yehowa wakamba ne, Mona, ndi mbikila ba mu meku onso a mu makelenge a ku node; nebalue, buonso buabo nebajadike nkuasa yabo ya bunfumu ku bibuelelu bia ku bibi bia mu Yelushalema, bua kushimbulabo ngumbu idi inyungulula musoko ku nseke yonso, ne bua kuluishabo bena misoko yonso ya mu Yuda.

Yirmeya 25:37

Mpangu ya mikoko yakadi ne ditalala yakunyanguka bualu bua tshiji tshikole tshia Yehowa.

Yirmeya 4:26

Nakatangila, ne mena, buloba buakadi bukuamisha mamuma buakalua tshihela, ne misoko yabu yonso yakadi mibutudibue ku mpala kua Yehowa ne ku mpala kua tshiji tshiandi tshikole.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Yirmeya 5:18

Kadi Yehowa udi wamba ne, Mu matuku au mene tshiena nkubutula bua kumana bantu bebe bonso.

Yirmeya 50:17

Isalele udi bu tshisumbu tshia mikoko idi mitangadisha, nyama ya ntambue yakumuihata. Diambedi mukelenge wa Ashû wakamumina, hashishe, mu tshikondo etshi Nebukadenesâ, mukelenge wa Babulona, wakutshibula mifuba yandi.

Yirmeya 50:7

Bonso bakadi babasangana bakubadia, bena lukuna babo bakamba ne, Tuetu katuena bahile, bualu bua bobo bakuenzela Yehowa bibi. Yeye nduhangu lua buakane, bakuenzela Yehowa mene, ditekemena dia batatu babo, bibi.

Yirmeya 8:13

Yehowa udi wamba ne, Nembabutule kabutu; kakuena kuikala kamuma kamue ku muonshi wa tumuma tua nvinyo anyi kamuma ka nfigi ku mutshi wa nfigi; mabeshi mene neafubidile, ne bintu bionso binakubaha nebijimine.

Yirmeya 8:16

Badi bunvua kufembula kua tubalu tuabo kufuma mu Dana; hunvua buloba bujima muadi wa balume ba tubalu tuabo, budi bukanka; bualu bua bakumana kufika, bakudia buloba ne bintu bionso bidimu, musoko ne bantu bonso badi bashikamemu.

Muadi 2:12

Hatshidibo baleuka mu misesu bu mudi muntu udibo bataha mputa wenza, hatshidibo bahuola mioyo yabo mu biadi bia bamamuʼabo, badi bakonka bamamuʼabo ne, Bia kudia ne nvinyo bidi kudi kunyi?

Muadi 2:2

Mukelenge wakubutula nsubu yonso ya Yakoba, kayi uyilesha luse; mu njiya yandi wakushimbula miaba ya muana mukashi wa Yuda yakadi minyunguludibue ne ngumbu; wakuyuhula hanshi, wakunyangisha bukelenge ne bakokeshi babu.

Yezekiyele 36:4

bua malu â, nuenu mikuna ya mu Isalele, unvuai dî dia Mukelenge Yehowa! Mukelenge Yehowa udi wamhila mikuna mile ne mikuna mikese, bihongo ne bibanda, miaba yakubutuka ne misoko yakushala bikulu, biakulua bu tshintu tshia kunyengabo ne kusekabo kudi bisamba bikuabo bidi binunyunguluka.

Osheya 2:12

Nenkose mionshi yandi ya tumuma tua nvinyo, ne mitshi yandi ya nfigi biakuambeye bualu buabi ne, Edi ndifutu diakumpabo kudi bannangi. Nembivuishe bu tshihuka, ne nyama ya mu mpata neyibidie.

Osheya 8:14

Bua Bena Isalele bakuhua Mufuki wabo muoyo, bakuasa nsubu minene ya bakelenge; Bena Yuda bakuvudisha misoko ya nvita idi ne ngumbu ya mabue; kadi nentume kahia mu misoko yabo, nekoshe nsubu yabo ya bakelenge.

Yowele 2:3

Ku mpala kua mikumbi ei kahia kadi kosha bintu, kabimana, ne ku nyima kuai kahia kadi kashidisha bintu kabidi. Buloba buakadi bu budimi bua Edene diambedi kayiyi mianze kulua, ku nyima kuai buloba budi bu tshihela tshia hatuhu; e, kakuena tshintu tshimue tshidi tshihanduka kudiyi.

Lewitiki 26:16

meme kabidi nennuenzele nunku nengenze malu adi anutshinyisha, nennutumine masama adi anyanyisha mibidi yenu ne disama dia mubidi kahia, masama au neashihe mesu enu, neanyanyishe mitshima yenu, nenukune bintu bienu tshianana, bualu bua bantu badi nʼenu lukuna nebabidie.

Sefanya 3:6

Wakushiha bisamba bia bantu; bibumba biabo bia masalayi bia ku matumba a ngumbu biakubutuka. Nakuvuisha misesu yabo mituhu, kayiyi ne bantu bahitshilamu. Misoko yabo yakubutudibua, ne kakuenamu muntu, kakuenamu muntu umuehele udi mushikamemu.

Malaki 1:4

Biamba Edome ne, Bakatubutula, kadi netuibake mu bikulu kabidi, Yehowa wa misumba udi wamba ne, Base biabo, kadi meme nenguhule. Bakuabo nebababikile ne, Buloba bua bubi, ne Bantu badi Yehowa nʼabo tshiji tshiendelele.

Dielulula 28:33

Tshisamba tshinudi kanuyi bamanye nebadie bintu biakadiunda mu buloba bualu bua mudimu wenu; nebanunyange, nebanudiate matuku onso;