Yirmeya 48:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku Yehowa udi wamba ne, Monai, mu matuku alualua nentume basendeki kudiye, nebamusendeke, nebahongolole bintu bidi mu milondo yandi, nebashihe milondo yandi bihese.

MUKANDA WA MYIDI MUKULU

¹² Ke padi Maweja-Nangila wamba ne: dituku dikuabu nentumine Mowabe bantu bua bamupongolole. Nebapumune maluvu onsu adi mu milondu. Nebashipe milondu.

Yirmeya 48:12 ပူးပေါင်းရင်းမြစ်များ

Misambu 2:9

Wewe neubatshibule ne dikombo dia tshiamu; neubasunsulule bu mudibo basunsula luesu lua mufumbi wa ngesu.

Yeshaya 16:2

Bu mudi nyunyu yendakana mulu, bu tunyunyu tua mu disua didi disasula, mbu mudi bana bakashi ba Moaba ku tshisabukilu tshia ku musulu wa Ânona.

Yeshaya 30:14

Dishimbuka diatu didi bu kushiha kua luesu lua mufumbi wa bivuadi, udi ulusunsula bihese bihese; nunku kabena basangana kayoyi munkatshi mua bihese bialu ka kuhatula nʼaku dikala dia kahia muiku, anyi bua kutuma nʼaku mai a mu mukete wa mai.

Yirmeya 14:3

Bena butumbi badi batuma bantu babo bahuekele bua kusunabo mai; badi bafika ku mena a mai, kabena basangana mai; badi bahingana ne milondo yabo munda mutuhu; badi bakuatshika bundu, badi bahuekeshibua, badi babuikila mitu yabo.

Yirmeya 19:10

Hashishe, ushihe biebe mulondo au ku mesu kua bantu badi bakuha,

Yirmeya 25:34

Nuenu, balami ba mikoko, asai miadi, nudile; nuenu, bakokeshi ba tshisumbu tshia mikoko, nudibonde mu butue bua kahia; bualu bua matuku a kunushiha ne a kunutangadisha akumana kulua, ne nenufue bu mudibo bashiha mulondo wa mushinga mukole.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 48:11

Moaba wakushikama talalâ, kayi ne ntatu, ku buana buandi tô ne mpindiu, wakushikama bu maluvu mu bisekeseke, kabena bamuhongolola ku mulondo ku mulondo, kabena banze kuya nʼandi mu buhika, nunku nse yandi yakushala kudiye, ne muenyi wandi kawakuanda muka.

Yirmeya 48:13

Moaba neakuatshike bundu bualu bua Kemoshe, bu muakakuatshika Bena Isalele bundu bualu bua Betele, tshieyemenu tshiabo.

Yirmeya 48:15

Moaba wakubutudibua, misoko yandi yakulua mu kadilu, bansongalume bandi bahite buakane badi bahona mu lufu kudi babashihi. Edi ndî dia Mukelenge udibo babikila ne, Yehowa wa misumba.

Yirmeya 48:38

Yehowa udi wamba ne, Ha mutu ha nsubu yonso ya mu Moaba ne mu misesu yonso muadi udi kuonso; bualu bua nakutshibula Moaba bu dilonga dia tshianana.

Yirmeya 48:8

Mushihianganyi nealue mu misoko yonso, kakuena musoko umue wahanduka. Tshibanda netshifue, ne mpata wa ha mutu ha mikuna neabutudibue; bu muakuamba Yehowa.

Nahume 2:2

Bualu bua Yehowa udi ujadika butumbi bua Yakoba bu muakajadikeye butumbi bua Isalele, bualu bua bahaudi bakabahaula, bakatudila mionshi ya tumuma tuabo tua nvinyo hanshi.