Yirmeya 48:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Moaba wakushikama talalâ, kayi ne ntatu, ku buana buandi tô ne mpindiu, wakushikama bu maluvu mu bisekeseke, kabena bamuhongolola ku mulondo ku mulondo, kabena banze kuya nʼandi mu buhika, nunku nse yandi yakushala kudiye, ne muenyi wandi kawakuanda muka.

MUKANDA WA MYIDI MUKULU

¹¹ Bituadije ku buana buende, Mowabe kavua ne dikenga nansha. Kabavua banji kuya nende mu bupika. Uvua musombe ku matshi talalaa, mudi maluvu a mvinyo mashale mu mulondu, bisekaseka bimane kupueka panshi. Kabavua banji kupongolola mu mulondu mukuabu. Maluvu awu avua amu ne muenyi wawu.

Yirmeya 48:11 ပူးပေါင်းရင်းမြစ်များ

Misambu 123:4

Mioyo yetu idi itamba kubuidibua kudi badi bikisha ne kulenguludibua kudi badi badisue.

Misambu 55:19

Nzambi neunvue dî diabo, yeye mene udi mushikame mu nkuasa wa bukelenge hu muakadiye ku tshibangidilu neabakengeshe, bualu bua kabena ne dikudimuka dia malu abo, ne kabena batshina Nzambi.

Nsumuinu 1:32

Bualu hua dihingana tshianyima dia batshimbakanyi nedibashihe, ne kalengu ka bahote nekababutule.

Yeshaya 16:6

Tuakunvua lumu lua diambu dia Moaba ne, Udi ne diambu dihita bukole. Tuakunvua lumu lua kudisua kuandi, lua dihetu diandi, ne lua dikamakama diandi; kufunafuna kuandi kudi bualu bua hatuhu.

Yeshaya 24:3

Buloba nebuvuishibue butuhu bushuwa, nebubutudibue tshishiki; bualu bua Yehowa wakuamba di edi.

Yeshaya 25:6

Mu mukuna eu Yehowa wa misumba nealongoluele bantu bonso bidia bia disanka bia manyi, bidia bia disanka bia nvinyo muladike ndala, bia kudia bia manyi bisangisha ne buongo bua mu mifuba, bia nvinyo muladike ndala mulengeshibue bimpe.

Yirmeya 22:21

Nakakuambila dî hawakadi ne diakalengele diebe; kadi wewe wakamba ne, Tshiena ngunvua nansha. Etshi tshiakadi tshilele tshiebe tshia ku buana buebe ne wewe kuakutumikila dî dianyi.

Yirmeya 48:12

Nunku Yehowa udi wamba ne, Monai, mu matuku alualua nentume basendeki kudiye, nebamusendeke, nebahongolole bintu bidi mu milondo yandi, nebashihe milondo yandi bihese.

Yirmeya 48:29

Tuakunvua lumu lua dihetu dia Moaba ne udi ne dihetu dinene, tuakunvua kabidi bua kudilesha kuandi, dihetu diandi ne kudisua kuandi, ne bu mudiye unanga tshiadi tshiandi.

Yirmeya 51:34

Nebukadenesâ, mukelenge wa Babulona, wakundia, wakundiata munda mua makasa andi, wakunvuisha bu dilonga didi munda mutuhu, wakummina bu mudi nyama munene wenza, wakûsha matama andi tente ne bia kudia bianyi bia nse, wakunsukasha.

Nahume 2:10

Musoko eu udi mutuhu, kauyi bantu, kauyi bintu! Mutshima udi uteketa, binu bidi bikanka, bimono bionso bidi bisama bikole, ne mpala ya bantu bonso idi itokoloka.

Nahume 2:2

Bualu bua Yehowa udi ujadika butumbi bua Yakoba bu muakajadikeye butumbi bua Isalele, bualu bua bahaudi bakabahaula, bakatudila mionshi ya tumuma tuabo tua nvinyo hanshi.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.

Zekâya 1:15

Ntshidi ne tshiji tshikole kudi bisamba bidi bishikame tshianana bualu bua hanakadi ne tshiji tshikese, malu mabi akatshibandisha.