Yirmeya 40:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakunvua tupitene tuonso tua masalayi akadi mu mpata ne bena nvita batu kabidi ne, Mukelenge wa Babulona wakuteka Gedaliya muana wa Ahikama, gouverneur mu buloba, wakufila balume ne bakashi ne bana, bobo mene bakadi bahele ne bakadi kabayi baye mu buhika mu Babulona mu bianza biandi,

MUKANDA WA MYIDI MUKULU

⁷ Mu misoku ya ku mpenga mutshivua bisumbu bia bena mvita ba bena Yuda. Balombodi ba bisumbu bia bena mvita abi, ne bantu babu, bavua bumvua muvua mukalenga wa Babilone musungule Ngedaliya, muana wa Akikame, bua ikale mulombodi wa ditunga, muvuaye kabidi mumupeshe bapele, balume, bakaji, ne bana bavuabu kabayi mua kuya nabu mu Babilone.

Yirmeya 40:7 ပူးပေါင်းရင်းမြစ်များ

2 Bakalenga 25:12

Kadi kapitene ka masalayi kakashiya bantu bakatamba buhele bua kulamabo mitshi ya tumuma tukese ne bua kudimabo mu buloba.

2 Bakalenga 25:4

Hashishe bakashimbula tshituha tshia lumbu lua musoko, nunku bena nvita bonso bakanyema butuku mu nshila wa hankatshi ha ngumbu ibidi yakanyunguluka ku tshibunda tshia mukelenge; Bena Kasada bakadi banyunguluka musoko ku nseke yonso. Bakanyema mu nshila wa ku Alabâ.

Yirmeya 39:10

Kadi Nebuzaladana, kapitene ka bansentedi, wakashiya bantu bahele bakadi kabayi ne tshintu mu buloba bua Yuda, ne wakabaha madimi a tumuma tua nvinyo ne madimi makuabo diatshimue.

Yirmeya 39:14

bakatuma bantu, bakumushe Yelemiya mu tshitendelu tshia balami ba nsubu wa lukanu, bakamufila mu bianza bia Gedaliya, muana wa Ahikama, muana wa Shafana, bua yeye amufile ku nsubu kuandi. Nunku Yelemiya wakashikama munkatshi mua bantu bakuabo.

Yirmeya 39:4

Hakabatuma mukelenge Sedekiya, mukelenge wa Yuda, ne bena nvita bandi bonso, bakanyema, bakaluhuka mu musoko butuku, bakayila mu nshila wa tshibidi tshia mukelenge, bahitshila mu tshibi tshiakadi hankatshi ha ngumbu ibidi, bakayila mu nshila wa ku tshibanda tshia Alabâ.

Yirmeya 39:9

Hashishe Nebuzaladana, kapitene ka bansentedi ba masalayi, wakaya ne bantu bakashala mu musoko mu buhika ku Babulona, ne bakadi badifila kudiye, ne bantu bonso bakadi bashala.

Yirmeya 41:1

Hashishe, mu ngondo wa muanda mutekete Yishemaele, muana wa Netanya, muana wa Elishama, muena tshiota tshia mukelenge, kapitene ka masalayi a mukelenge, wakalua ne bantu dikumi kudi Gedaliya, muana wa Ahikama, ku Misepa. Hakadibo badia hohamue mu Misepa,

Yirmeya 41:10

Ku nyima Yishemaele wakakuata bantu bakashala mu Misepa, wakaya nʼabo, bana bakashi ba mukelenge mene ne bantu bonso bakashiyabo kudi Nebuzaladana, kapitene ka bansentedi ba masalayi, mu bianza bia Gedaliya, muana wa Ahikama. Yishemaele, muana wa Netanya, wakaya nʼabo mu buhika, wakabanga kusabuka musulu bua kuya kudi Bena Amona.

Yirmeya 41:11

Kadi hakunvua Yohanana, muana wa Kalea, ne tupitene tuonso tua bena nvita tuakadi nʼandi, lumu lua malu mabi akenza Yishemaele, muana wa Netanya,

Yirmeya 43:6

Bakadi balume, bakashi ne bana, bana bakashi ba mukelenge ne muntu yonso wakadi Nebuzaladana, kapitene ka bansentedi ba masalayi, mushiye mu bianza bia Gedaliya, muana wa Ahikama, muana wa Shefana; Yelemiya muprofete kabidi ne Baluka, muana wa Neliya.

Yirmeya 52:16

Kadi Nebuzaladana, kapitene ka masalayi, wakashiya bakuabo bena buloba abu bahite buhele bua kuikalabo bahempi ba mionshi ya tumuma tua nvinyo ne ba bidime ba mu madimi.

Yezekiyele 45:16

Bantu bonso ba mu buloba bafile milambu ei kudi mukokeshi wa Bena Isalele.