Yirmeya 2:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

MUKANDA WA MYIDI MUKULU

³² Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Yirmeya 2:32 ပူးပေါင်းရင်းမြစ်များ

Genese 24:22

Hakashikisha tumelo kunua mai, mulume eu wakahatula kakanu ka or ka bujitu bua tshituha tshia nshekele, ne nkanu ibidi ya ku maboko ya bujitu bua nshekele dikumi kabidi.

Genese 24:30

Hakatangileye kakanu ka ku diulu ne nkanu ya ku maboko a muanʼabo mukashi, ne hakunvueye mei a Lebeka muanʼabo mukashi ne, Mulume au wakungambila nunku, yeye wakaya kudi mulume wakadi muimane ne tumelo hehi ne mushimi wa mai.

Genese 24:53

Muhika wa Abalahama wakahatula bilenga bia argent ne bia or ne bilulu, Wakabikila kudi Lebeka, yeye wakaha muanʼabo mulume ne mamu wandi kabidi bintu bia mushinga mukole.

2 Samuele 1:24

Nuenu, bana bakashi ba Bena Isalele, nujinge Shaula, wakanuluatshisha bilulu bikunze bia mushinga mukole, wakalengesha bilulu bienu ne bintu bia or.

Misambu 106:21

Bakahua Nzambi Musungidi wabo muoyo, wakabenzela malu manene mu Ejipitu,

Misambu 9:17

Budi bantu babi nʼabu mbua kualukila mu Muaba wa Bafue; bonso mene ba mu bisamba bia bantu badi bahua Nzambi muoyo nebenze nunku.

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yirmeya 13:10

Bantu aba babi badi bahidia kunvua mei anyi, badi benda mu tshitshu tshia mu mitshima yabo, bakalonda nzambi mikuabo bua kuyikuatshilabo mudimu ne bua kuyitendelelabo, nebikale bu mukaba eu udi kauyi ne mudimu kabidi.

Yirmeya 13:25

Yehowa udi wamba ne, Elu nduseke luebe lua buhianyi, ne tshituha tshinakukuidikishila, bualu bua wakumpua meme muoyo, wakueyemena mashimi.

Yirmeya 18:15

Bualu bua bantu banyi bakumpua muoyo, bakuoshila nzambi ya hatuhu musenga wa manananshi; bakulenduka hakuyilabo mu nshila yabo, mu nshila yabo ya kale, bua kuendabo mu tushila tukuabo, mu tushila didi katuyi tulongolola bimpe.

Yirmeya 2:11

Tshisamba tshidi tshikudimune nzambi yatshi, idi kayiyi nzambi milelela, anyi? Kadi bantu banyi bakushintakasha Butumbi buabo ku bintu bidi kabiyi bibakuatshisha.

Yirmeya 2:33

Ke bu mûdi wewe ulongolola nshila yebe ne budimu bua kudikebela dinanga! Nunku wakuyisha bakashi babi mene bienzedi biebe!

Yirmeya 23:27

Badi belangana meji bua kukuatshisha bantu banyi tshihua muoyo bua dina dianyi ku bilota biabo bidibo bawilangana, bu muakahua batatuʼabo muoyo bua dina dianyi bualu bua Bâla.

Yirmeya 3:21

Dî didi diunvuibua ku mutu kua mukuna udi kauyi ne tshintu tshidiundahu, didi muadi ne kutendekena bia bana ba Bena Isalele: bualu bua bakakonyangasha nshila wabo, bakahua Yehowa Nzambi wabo muoyo.

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Osheya 8:14

Bua Bena Isalele bakuhua Mufuki wabo muoyo, bakuasa nsubu minene ya bakelenge; Bena Yuda bakuvudisha misoko ya nvita idi ne ngumbu ya mabue; kadi nentume kahia mu misoko yabo, nekoshe nsubu yabo ya bakelenge.

Dielulula 32:15

Kadi Yeshuluna wakavunda, wakatua mikumu: nuenu nuakuvunda, nudi ne mafuta a bungi, nuakusenena; hashishe yeye wakalekela Nzambi wakamufuka, wakahetula Dibue dia luhandu luandi.

Didimanyisha 21:2

Nakatangila musoko wa tshijila, Yelushalema muhia-muhia, uhueka muluhuke mu diulu kudi Nzambi, muikale mulongolola bimpe bu mukashi mulengeshela mulume wandi.

Balombodi 8:34

Bena Isalele kabakavuluka Yehowa, Nzambi wabo, nguakabasungila mu bianza bia bantu bakadi nʼabo lukuna bonso ba ku nseke yonso;