Yirmeya 17:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

MUKANDA WA MYIDI MUKULU

¹⁸ Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Yirmeya 17:18 ပူးပေါင်းရင်းမြစ်များ

Yobe 16:14

Udi untaha mputa mu miaba yonso, udi ulua kundi lubilu bu mudi umena bukitu.

Misambu 35:4

Badi bakeba muoyo wanyi bafuishibue bundu, bakeheshibue. Badi bahangidisha malu mabi a kungenzela, bahingashibue ne babuandakashibue.

Misambu 35:8

Dibutuka dimukuate mu mpukahuka; bukuondo buandi buasokokeye bumukuate yeye muine; abuele biandi mu dibutuka adi mene.

Misambu 40:14

Bantu aba bafuishibue bundu ne babuandakashibue, buonso buabo diatshimue, badi bakeba muoyo wanyi bua kûmushaku. Balukishibue tshianyima ne bakeheshibue, bobo mene badi basue kungenzela bibi.

Misambu 70:2

Badi bakeba muoyo wanyi, bafuishibue bundu ne babuandakashibue. Badi basanka bua kungenzela bibi, balukishibue tshianyima, bakeheshibue.

Misambu 71:1

Yehowa, ndi nyemena kudi; kabanfuishi bundu ku mesu tshiendelele!

Yirmeya 1:17

Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Yirmeya 11:20

Kadi Yehowa wa misumba udi ne kulumbulula kuakane, udi uteta mutshima ne meji bia muntu, nentangile busombuedi buebe hamʼbidi habo, bualu bua nakuteka bualu buanyi mu bianza biebe.

Yirmeya 12:3

Kadi wewe, Yehowa, udi mu mmanye meme, wewe udi untangila, udi uteta mutshima undi nʼau kûdi; ubahatule bu mudibo bahatula mikoko mu luhangu bua kuya nʼai ku tshishihelu, ne ubalongoluele bua kufuabo dituku dia kubashiha.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 17:16

Meme hanyi tshiakubenga kuikala mulami wa mikoko bua kukulonda; tshiakujinga dituku dia kukengesha bantu, mudi wewe mumanye! Mei akahatuka mukana muanyi akadi ku mpala kuebe.

Yirmeya 17:19

Yehowa wakangambila ne, Ya biebe, wimane ku tshibi tshia ku musoko wa bantu banyi, kudi bakelenge ba Yuda babuelela ne kudibo bahatukila ne ku bibi bionso bia ku Yelushalema.

Yirmeya 20:11

Kadi Yehowa udi nʼanyi bu muena bukitu mukole ne mukuatshishi wa buowa, nunku bankengeshi nebalenduke, kabena bampita bukole; nebafuishibue bundu tshishiki, bualu bua kabakuenza muanda wakadibo basue kuenza; nebafuishibue bundu bua tshiendelele, budi kabuyi mua kuhuibua muoyo.

Dielulula 33:11

Yehowa avudishile bintu biandi disanka, itabushe mudimu wa bianza biandi: atshibule nyima ya bantu badi bahika ku mpala kuandi, ne ya badi nʼandi lukuna bua kababiki kabidi.

Didimanyisha 18:6

Numuheshe bu muakahesheye bakuabo, ne numuhitshishile dikenga diandi misangu ibidi bu mudi bienzedi biandi; mu luhanza muakasangishileye bakuabo makenga numusangishile makenga misangu ibidi.