Yirmeya 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mu diba adi Yehowa wakolola tshianza tshiandi, wakalenga mukana muanyi. Yehowa wakangambila kabidi ne, Mona, nakuteka mei anyi mukana muebe;

MUKANDA WA MYIDI MUKULU

⁹ Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yirmeya 1:9 ပူးပေါင်းရင်းမြစ်များ

Yeshaya 49:2

Wakuvuisha mukana muanyi bu muele wa nvita udi musakisha bimpe; wakunsokoka mu dileshi dia tshianza tshiandi; wakunvuisha mukete musenene, wakunsokoka mu musaka wandi wa mikete.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yirmeya 15:19

Nunku Yehowa udi wamba ne, Biwalukila kundi, nenkuhingashe bua wewe wimane ku mpala kuanyi; biûmusha malu ebe matambe buimpe bua kâbuelakanyi ne malu adi mabi, wewe newikale bu mukana muanyi. Bobo nebahingane kûdi, kadi wewe kuena ne bua kuhingana kudibo.

Yirmeya 34:6

Nunku Yelemiya muprofete wakambila Sedekiya, mukelenge wa Yuda, mei â onso mu Yelushalema,

Yirmeya 36:2

Wangate mabeshi a mukanda muvungulula, ufundemu mei onso anakukuambila bua kuhisha nʼau Bena Isalele, Bena Yuda ne bisamba bionso bia bantu, ku dituku dinakudianjila kukuambila mu matuku a Yoshiya tô ne ku lelu eu.

Yirmeya 5:14

Nunku Yehowa, Nzambi wa misumba, udi wamba ne, Bualu bua nudi nuamba dî edi, tangilai, nenvuishe mei anyi a mukana muebe bu kahia, nenvuishe bantu aba bu nkunyi, nekabashidishe.

Yezekiyele 3:10

Wakangambila kabidi ne, Muana wa muntu, itabusha mu mutshima webe mei anyi onso andualua kukuambila, ûnvua bimpe mu matshu ebe.

Danyele 10:10

Monai! Tshianza tshiakandenga, tshiakantuishisha binu bianyi hanshi ne bianza kabidi.

Danyele 10:16

Mona! Mukuabo wakadi ne tshinfuanyi tshia muana wa muntu wakalenga ku mishiku yanyi; nakabulula mukana muanyi, nakayikila ne wakadi wimana ku mpala kuanyi, nakamuambila ne, Mukelenge wanyi, bua tshikena kumona etshi kanyinganyinga kakunkuata, tshiena kabidi ne bukole.

Dibadika 23:5

Yehowa wakateka dî mukana mua Belâma, wakamba ne, Hingana kudi Balaka, umuambile nunku.

Matayi 10:19

Kadi hanufilabo nunku, kanulambi kuelangana meshi ne, Netuambe munyi? Netuambe tshinyi? Nebanuhe buakuamba ha diba adi.

Marke 7:33

Yesu wakaya nʼandi ha nkayandi, bantu bakuabo bakashala, wakabuesha minu mu matshu andi, wakatuila lute, wakamulenga ku ludimi;

Luke 12:12

Nyuma Muimpe neanuyishe mua kuamba ha diba adi.

Luke 21:15

meme nenuhe mukana ne lungenyi bidi badi nʼenu lukuna kabai bamanye mua kutantamana ne mua kukudimuna dî.

Dielulula 18:16

bu munuakalomba Yehowa, Nzambi wenu, mu Holeba mu dituku dituakasambakena nʼenu ne, Katunvu dî dia Yehowa, Nzambi wetu, kabidi, katutangidi kahia aka kanene kabidi, bua katufu.

Dielulula 18:17

Yehowa wakangambila ne, Bobo bakamba dî dimpe.

Dielulula 18:18

Meme nembabishile muprofete munkatshi mua bana babo bu wewe; meme nenteke mei anyi onso mukana muandi, ne yeye neabambile mei onso anamuambila.