Yezekiyele 7:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nebadiluatshishe ne bilulu bikayabala ne buowa nebubakuate; bundu nebukuate buonso buabo ku mesu, nebatuke mabala ha nutu habo bonso.

MUKANDA WA MYIDI MUKULU

¹⁸ Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Yezekiyele 7:18 ပူးပေါင်းရင်းမြစ်များ

Genese 15:12

Hakamba diba kubuela, tulu tukole tuakakuata Abalama monai, buowa bua midima buakamukuata.

Yobe 21:6

Hanavuluka muanda eu, ndi ne dishina, buowa budi bunkuata.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yirmeya 3:25

Tulale bietu hanshi mu bundu buetu, malu etu a bundu atubuikile; bualu bua tuakuenzela Yehowa Nzambi wetu bibi, tuetu ne batatu betu kabidi, ku buana buetu tô ne ku dituku edi; katuakutumikila dî dia Yehowa Nzambi wetu.

Yirmeya 48:37

Ha mutu ha muntu yonso hakutuka dibala, ne bakubeya muevu wa muntu yonso; ha bianza bia muntu yonso hadi mputa yakuditaheye, mu tshifuka tshia muntu yonso mudi bilulu bikayabala.

Yirmeya 6:25

Kanuluhuki bua kubuela mu budimi, kanuendi mu nshila! Bualu bua muele wa nvita wa bena lukuna ne buowa bukole bidi ku nseke yonso.

Yirmeya 6:26

Wewe, muana mukashi wa bantu banyi, udiluatshishe ne bilulu bikayabala, udibonde mu butue; udiashile muadi bu mudibo bashila muana mulume umuehele wa muntu, muadi muhite bukole; bualu bua mushihianganyi neatuluishe lukasa.

Yezekiyele 27:31

Nebakungule mitu yabo bua bualu buebe, nebadiluatshishe bilulu bikayabala; nebakuashile muadi ne kanyinganyinga kakole ka mutshima ne muadi mutambe bukole.

Yowele 1:13

Luatai bilulu bikayabala, asai muadi, nuenu bakuidi, asai muadi, nuenu bakuatshi ba mudimu wa tshioshelu; luai bienu, lalai baluate bilulu bikayabala bufuku bujima, nuenu badi bakuatshila Nzambi wanyi mudimu! Bualu bua mulambu wa bia kudia ne mulambu wa bia kunua yakûmushibua mu nsubu wa Nzambi wenu.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.