Yezekiyele 48:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Muaba Edi ushala, buludiludi ne tshituha tshia buloba tshijidila Yehowa, coudées binunu dikumi mu bule buau ku luseke lua esete, coudées binunu dikumi mu bule buau ku luseke lua wesete, wikale buloba bua musoko; bintu bidi bidiundamu bikale bia kudia bia bantu badi benza mudimu mu musoko.

MUKANDA WA MYIDI MUKULU

¹⁸ Mu tshitupa tshidibu bajidila mu dina dia Maweja-Nangila, nekushale kabidi muaba wa kilometre itanu mu bule, ku luseke ludi diba dipatukila lua tshimenga, ne muaba mukuabu wa kilometre itanu ku luseke ludi diba dibuelela lua tshimenga. Nebapetemu biakudia bikumbane bua bena mu tshimenga.

Yezekiyele 48:18 ပူးပေါင်းရင်းမြစ်များ

Yezekiyele 45:6

Nusungule buloba budi butuangane ne buloba abu bua tshijila, buikale ne butshiama bua coudées binunu bitanu ne bule bua coudées binunu makumi abidi ne bitanu, ne buobu nebuikale buloba bua bonso ba mu tshisamba tshia Bena Isalele.

Yezekiyele 48:17

Musoko wikale ne madimi: ku luseke lua nôde coudées nkama ibidi ne makumi atanu, ku luseke lua sude coudées nkama ibidi ne makumi atanu, ku luseke lua esete coudées nkama ibidi ne makumi atanu ne ku luseke lua wesete coudées nkama ibidi ne makumi atanu.

Yezekiyele 48:19

Badi benza mudimu mu musoko, ba mu bisamba bionso bia mu Isalele mene, badime madimi adimu.

Yoshua 9:27

Yoshua wakabayuisha dituku adi bu bahandi ba nkunyi ne basunyi ba mai ba Bena Isalele ne ba tshioshelu tshia Yehowa mu muaba wakadiye musungule tô ne ku dituku edi.