Yezekiyele 40:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nsubu yonso ya bansentedi yakadi ne bule bua luidi lumue ne butshiama bua luidi lumue, ne muaba wa hankatshi ha nsubu ne nsubu wakadi coudées itanu; ne tshibuelelu tshia ku mbalanda wa ku tshibi tshiakatangilangana ne tshitendelelu tshiakadi bule bua luidi lumue.

MUKANDA WA MYIDI MUKULU

⁷ Kunyima kua tshibuelelu, kuvua muaba wa kupitshila, ne bibambalu bisatu ku luseke ne ku luseke. Tshibambalu tshionsu tshivua ne metre asatu mu bule ne mu butshiama. Bimana bivua bikosolola bibambalu abi bivua ne butumbuke bua metre abidi ne tshitupa. Kunyima kua bibambalu abi kuvua tshibuelelu tshia tshibambalu tshinene, tshivua tshitangilangane ne nzubu wa Mvidi Mukulu. Tshibuelelu atshi tshivua ne butshiama bua metre asatu.

Yezekiyele 40:7 ပူးပေါင်းရင်းမြစ်များ

1 Kulondolola 23:28

Mudimu wabo wakadi wa kukuatshisha bana ba Alona mu midimu yabo ya mu nsubu wa Yehowa ne mu biendedi ne mu nsubu mikese ne mu kujidila kua bintu bionso ne mu midimu yonso yakenzabo mu nsubu wa Nzambi;

1 Kulondolola 9:26

bualu bua balama banene banai, Bena Lewi, bakadi bajidibua mu mudimu eu, bakadi ku mutu kua nsubu ne bibutshilu bia mu nsubu wa Nzambi.

2 Kulondolola 3:9

Bujitu bua misamadi buakadi bu nshekele ya or makumi atanu. Wakalamika or munda mua nsubu yonso yakadi ha mutu.

2 Kulondolola 31:11

Hezikiya wakela dî diandi bua bantu balongolole nsubu ya mu nsubu wa Yehowa; bakenza nunku.

Ezela 8:29

Nubilame bimpe tô ne hanuidikisha bujitu buabi ku mesu kua bakuidi banene ne Bena Lewi ne bantu banene badi ku mutu kua nsubu ya bankambua babo mu Isalele ku Yelushalema mu nsubu ya munda mua nsubu wa Yehowa.

Yirmeya 35:4

Nakalua nʼabo ku nsubu wa Yehowa, mu nsubu mua bana balume ba Hanana, muana mulume wa Yigedalaya, muntu wa Nzambi, wakadi ha buihi ne nsubu wa baminyampala, wakadi ha mutu ha nsubu wa Maseya, muana wa Shaluma, mulami wa ku mbelu kua nsubu.

Yezekiyele 40:10

Nsubu ya bansentedi ya munda mua tshibuelelu tshia ku luseke lua esete yakadi isatu ku luseke lua tshinga tshianza ne isatu ku luseke lua tshianza tshikuabo; buonso buai yakadi bunene bumue; biluwa bia ku luseke ne ku luseke biakadi bunene bumue kabidi.

Yezekiyele 40:21

Tshiakadi ne nsubu isatu ya bansentedi ku luseke elu ne nsubu isatu ku luseke lukuabo, biluwa biatshi ne mbalanda watshi biakadi ne bunene buobumue ne bua bia tshibuelelu tshia kumudilu. Bule buatshi buakadi coudées makumi atanu ne butshiama buatshi buakadi coudées makumi abidi ne itanu.

Yezekiyele 40:29

nsubu yatshi ya bansentedi, biluwa biatshi, ne mbalanda watshi; ne wakabisangisha bikale ne bunene buobumue ne bua bikuabo. Tshibuelelu ne mbalanda watshi biakadi ne madidishi ku nseke yabi yonso; bule buatshi buakadi coudées makumi atanu, ne butshiama buatshi buakadi coudées makumi abidi ne itanu.

Yezekiyele 40:33

ne nsubu yatshi ya bansentedi ne biluwa biatshi ne mbalanda watshi, wakabimona bikale ne bunene buobumue ne bua bikuabo. Tshibuelelu ne mbalanda watshi biakadi ne madidishi nseke yonso, ne tshibuelelu tshiakadi ne coudées makumi atanu mu bule buatshi ne coudées makumi abidi ne itanu mu butshiama buatshi.

Yezekiyele 40:36

nsubu yatshi ya bansentedi, biluwa biatshi, ne mbalanda watshi. Tshiakadi ne madidishi nseke yonso ya munda muatshi. Bule buatshi buakadi coudées makumi atanu, ne butshiama buatshi buakadi coudées makumi abidi ne itanu.

Yezekiyele 40:8

Yezekiyele 42:5

Nsubu ya ha mutu yakahita ya muinshi kukeha mu butshiama, bualu bua bitadikilu bia ku mpala kuai biakakehesha butshiama buai ne dikeha dihite dia nsubu ya hankatshi ne ya muinshi.