Yezekiyele 40:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Hashishe yeye wakalua nʼanyi ku tshibuelelu tshidi tshitangila ku luseke lua esete; hakabandeye ku tshibandilu tshiatshi, wakidikisha mushiku watshi wa mbelu, wakaumona muikale luidi lumue mu butshiama buau; mushiku wa mbelu mukuabo mutangilangane ne tshitendelelu wakadi luidi lumue mu butshiama buau.

MUKANDA WA MYIDI MUKULU

⁶ Kuyaye ku tshiibi tshia luseke ludi diba dipatukila, kubandaye pa tshibandilu, kupimaye butshiama bua tshibuelelu. Buvua bua metre asatu.

Yezekiyele 40:6 ပူးပေါင်းရင်းမြစ်များ

1 Bakalenga 6:8

Tshibuelelu tshia ku nsubu ya munkatshi tshiakadi ku tshianza tshia balume; bakasa tshibandilu tshikonyangala ku nsubu wa hanshi, tshiakaya ku nsubu ya kulu; tshibandilu tshikuabo tshikonyangala tshiakaya ku nsubu ya ha mutu.

1 Kulondolola 9:18

bakadi bimana ku tshibi tshia mukelenge ku esete; bobo bakadi batuadi ba majitu a mu tshitudilu tshia Bena Lewi.

1 Kulondolola 9:24

Batuadi aba bakadi ku nseke inai, ku esete ne ku wesete ne ku nôde ne ku Sude.

Nehemya 3:29

Ku nyima kuabo Sadoka, muana wa Imê, wakalongolola buludiludi ne nsubu wandi. Ku nyima kuandi Shemaya, muana wa Shekanya, mulami wa ku mushiku wa mbelu wa ku esete, wakalongolola.

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Yirmeya 19:2

uye nʼabo mu tshibanda tshia muana mulume wa Hinoma, tshidi ku tshibuelelu tshia tshibi tshia Hâsita, ubambileku mei andi nkuambila.

Yezekiyele 10:18

Butumbi bua Yehowa buakumuka ku mbelu kua nsubu, buakimana ha mitu ha bakeluba.

Yezekiyele 11:1

Hashishe Nyuma wakambandisha mulu, wakalua nʼanyi ku tshibi tshia ku nsubu wa Yehowa tshia ku luseke lua esete, tshidi tshitangila ku esete; ekumona! Ku mbelu kua tshibi kuakadi balume makumi abidi ne batanu, ne munkatshi muabo nakamona Yâzanya, muana wa Azû, ne Pelataya, muana wa Benaya, baminyampala ba bantu.

Yezekiyele 40:20

Wakalua nʼanyi ku tshibuelelu tshia mu tshiendelu tshia mu lubanza tshiakatangila ku luseke lua nôde, wakidikisha bule buatshi ne butshiama buatshi.

Yezekiyele 40:22

Madidishi atshi, mbalanda watshi, mabue atshi a ngashi, biakadi ne luidi luolumue ne lua tshibuelelu tshia ku luseke lua esete. Bakabanda ku tshibandilu tshiakadi ne bidiatshilu muanda mutekete; ne mbalanda watshi wakatangilangana ne munda mua ntempelo.

Yezekiyele 40:24

Wakandombola ku luseke lua Sude; nakamona tshibuelelu tshitangile ku luseke lua Sude. Wakidikisha biluwa biatshi ne mbalanda watshi, wakabimona hikala ne luidi luolumue ne lua bibuelelu bikuabo.

Yezekiyele 40:26

Tshiakadi ne tshibandilu tshia bidiatshilu muanda mutekete bua bantu babandilehu, ne mbalanda watshi wakatangilangana ne munda mua ntempelo. Tshiakadi ne bifuanyikishi bia mabue a ngashi ha biluwa biatshi, dibue dimue ku luseke elu ne dibue dimue ku luseke lukuabo.

Yezekiyele 40:5

Nakamona lumbu lunyunguluke nsubu nseke yonso. Muntu au wakaluidikisha ne luidi luakadi mu tshianza tshiandi, bule bualu buikale coudées mile isambombo, coudée umue muikale bu coudée umue ne ntanta wa tshianza; wakidikisha mulumbu wa lumbu, wakausangana muikale luidi lumue, ne bule bualu bua mulu buakadi luidi lumue.

Yezekiyele 40:7

Nsubu yonso ya bansentedi yakadi ne bule bua luidi lumue ne butshiama bua luidi lumue, ne muaba wa hankatshi ha nsubu ne nsubu wakadi coudées itanu; ne tshibuelelu tshia ku mbalanda wa ku tshibi tshiakatangilangana ne tshitendelelu tshiakadi bule bua luidi lumue.

Yezekiyele 41:16

Buonso buabi bisatu biakadi ne madidishi ku nseke yonso mabuikila ne tubaya tutshiamakashe. Bimanu bia munda mua tshitendelelu biakadi bibamba mabaya ku nseke yonso, hanshi tô ne ku madidishi andi, ku madidishi tô ne kulu,

Yezekiyele 42:15

Hakashikisheye kuidikisha nsubu ya munda mua ngumbu yakadi minyunguluke ntempelo, wakalua nʼanyi mu nshila wakadi muye mu tshibuelelu tshidi tshitangila ku luseke lua esete, wakidikisha ntempelo mujima nseke yandi yonso.

Yezekiyele 43:1

Ku nyima kua malu â yeye wakalua nʼanyi ku tshibuelelu tshiakadi tshitangila ku luseke lua esete.

Yezekiyele 43:17

Tshituha tshia tshioshelu tshia muinshi mua matshua tshikale bunene bumue ne nseke yatshi inai, coudées dikumi ne mai mu bule buatshi ne coudées dikumi ne inai mu butshiama buatshi; tshikale ne muhimbu bunene bua tshituha tshia coudée munyunguluke nseke yatshi inai. Tshibandilu tshia ku tshioshelu tshikale ku luseke lua esete.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.

Yezekiyele 44:1

Hashishe yeye wakalukila nʼanyi mu nshila wa ku tshibuelelu tshia ha bule tshia tshitendelelu, tshibuelelu tshidi tshitangila ku luseke lua esete, ne tshiakadi tshinshila.

Yezekiyele 46:12

Halongolola mukokeshi mulambu wa kufila bua disanka dia mu mutshima wandi, hafileye nansha mulambu wa kuosha nansha mulambu wa kuvuisha hau ditalala bu mulambu wa kusangileye nʼau Yehowa, bamunzuluile tshibi tshia ku tshibuelelu tshia ku luseke lua esete, afile mulambu wandi wa kuosha anyi milambu yandi ya kuvuisha nʼai ditalala bu mudiye wenza Dituku dia Lumingu; hashishe aluhuke biandi, binshile tshibi ku nyima kuandi.

Yezekiyele 47:1

Wakahingana nʼanyi tô ne ku tshibi tshia ku ntempelo, ekumona! Mai akahatukila muinshi mua mushiku wa mbelu wa ntempelo ne akaya mu nshila wa ku esete (bualu bua mpala wa nsubu wakadi mutangile ku luseke lua esete); ne mai akahueka mu nshila wa ku luseke lua nsubu luakadi lutangila ku sude, ku luseke lua tshioshelu lua ku sude.

Yezekiyele 8:16

Wakalua nʼanyi mu tshiendelu tshia munda mua nsubu wa Yehowa; ekumona! Ku tshibi tshia ku ntempelo wa Yehowa, hankatshi ha mbalanda ne tshioshelu, kuakadi balume bu makumi abidi ne batanu bimane ne nyima yabo miele ku ntempelo wa Yehowa ne mpala yabo mitangishe ku luseke lua ku esete; bakadi batendelela diba ku luseke lua esete.