Yezekiyele 40:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakamona lumbu lunyunguluke nsubu nseke yonso. Muntu au wakaluidikisha ne luidi luakadi mu tshianza tshiandi, bule bualu buikale coudées mile isambombo, coudée umue muikale bu coudée umue ne ntanta wa tshianza; wakidikisha mulumbu wa lumbu, wakausangana muikale luidi lumue, ne bule bualu bua mulu buakadi luidi lumue.

MUKANDA WA MYIDI MUKULU

⁵ Mvua mumone tshimana tshivua tshinyungulule lubanza lua pambelu lua nzubu wa Mvidi Mukulu nseke yonsu. Muntu uvua ne mutshi wende mu bianza wa bule bua metre asatu. Uvua upima mupimbu ne butumbuke bia tshimana atshi. Uvua musangane tshimana ne bule bua metre asatu mu mupimbu ne mu butumbuke.

Yezekiyele 40:5 ပူးပေါင်းရင်းမြစ်များ

Misambu 125:2

Bu mudi mikuna inyunguluka Yelushalema, mbu mudi Yehowa unyunguluka bantu bandi ku dituku edi tô ne tshiendelele.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Yezekiyele 41:8

Nakamona kabidi ne nsubu wa tshitendelelu wakadi! muashila ha tshibumba tshinene, bule buatshi mulu buakadi coudées isambombo ne tshituha, ne bishimikidi bia nsubu yakadi minyunguluke bimanu bia tshitendelelu biakadi ha mutu hatshi.

Yezekiyele 42:15

Hakashikisheye kuidikisha nsubu ya munda mua ngumbu yakadi minyunguluke ntempelo, wakalua nʼanyi mu nshila wakadi muye mu tshibuelelu tshidi tshitangila ku luseke lua esete, wakidikisha ntempelo mujima nseke yandi yonso.

Yezekiyele 42:20

Wakidikisha ntempelo ku nseke yandi inai, wakadi ne lumbu lunyunguluke ku nseke yonso, bule bualu coudées nkama itanu ne butshiama bualu coudées nkama itanu, bua luhandulule malu a tshijila ku malu makuabo a hatuhu.

Yezekiyele 43:13

Eku nkuidikisha kua tshioshelu tshia milambu ku luidi lua coudées, luidi lua coudées ludi coudée umue ne ntanta wa tshianza. Tshitekelu tshiatshi tshikale coudée umue mu bule buatshi, coudée umue mu butshiama buatshi, ne tshikale ne muhimbu bunene bua ntanta wa tshianza ku mibangu yatshi; tshitaku tshiatshi tshia muinshi mua tshioshelu tshikale nunku.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Dielulula 3:11

(Anu Oga, mukelenge wa Bashana, wakadi mushale wa Bena Lefa; monai, bulalu buandi buakadi bua biamu; budi mu Laba wa Bena Amona: bule buabu buakadi coudées tshitema ne butshiama buabu buakadi coudées mai.)

Didimanyisha 21:12

Wakadi ne lumbu lunene ne lule; wakadi ne bibi dikumi ne bibidi, ne ku bibi banjelo dikumi ne babidi; ne mena mafundahu, adi mena a bisamba dikumi ne bibidi bia bana ba Isalele;