Yezekiyele 40:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Muntu eu wakangambila ne, Muana wa muntu, mona ne mesu ebe, unvua ne matshu ebe, teka mutshima webe ku malu andualua kukulesha; bualu bua bakulua nʼebe kunoko bua meme kukulesha malu â; ambila Bena Isalele malu onso audi umona.

MUKANDA WA MYIDI MUKULU

⁴ Kungambilaye ne: — Yezekiyele, tabala, uditelejile ne matshi ebe. Wikale ne ntema ku bionsu bindi nkuleja. Bualu bavua bakufila kuneku bua wewe kumona bionsu bindi nkuleja. Pashishe newambile bena Izrayele malu onsu audi mumone.

Yezekiyele 40:4 ပူးပေါင်းရင်းမြစ်များ

Yeshaya 21:10

Ke, wewe muntu wanyi mushihudibue, ne muana wanyi wa tshishihuidi! Mei anakunvua kudi Yehowa wa misumba, Nzambi wa Isalele, au mmei anakukuambila.

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Yezekiyele 2:1

Yeye wakangambila ne, Muana wa muntu, juka biebe, nenyikile nʼebe.

Yezekiyele 2:3

Yeye wakangambila ne, Muana wa muntu, ndi nkutuma kudi bana ba Isalele, kudi tshisamba tshia bakuntombokela; bobo ne batatu babo bakungenzela bibi tô ne ku lelu eu.

Yezekiyele 3:17

Muana wa muntu, nakukuteka bu mudimushi kudi ba mu tshisamba tshia Bena Isalele; nunku haunvua dî mukana muanyi, ubadimushe ne dî dianyi.

Yezekiyele 43:10

Wewe kabidi, muana wa muntu, lesha Bena Isalele ntempelo eu, tshifundu tshiandi ne tshidikishilu tshiandi, bua bundu bubakuate bua malu onso akenzabo.

Yezekiyele 44:5

Yehowa wakangambila ne, Muana wa muntu, dimuka, mona ne mesu ebe, unvua ne matshu ebe, malu onso andi nkuambila bua bilele bia kulonda mu ntempelo wa Yehowa ne hua mikenji yandi yonso; mona bimpe bibuelelu bia ku tshitendelelu ne miaba ya kuhatukila.

Yezekiyele 47:6

Yeye wakangambila ne, Muana wa muntu, wakumona muanda eu, anyi? Yeye wakandombola, wakampingasha ku muelelu wa musulu.

Matayi 10:27

Nuambe mu munya malu andi nuambila mu mîdima; nuambe ha mitu ha nsubu malu anudi nunvua mu matshu.

Matayi 13:9

Udi ne matshu unvue biandi.

Bienzedi 20:27

Tshiakatshina bua kunuambila malu onso adi Nzambi musue.

1 Korente 11:23

Bua nakangata kudi Mukelenge bualu bunakanuha ne, Butuku buakamufilabo, Mukelenge Yesu wakamema bidia;

Dielulula 32:46

yeye wakabambila kabidi ne, Tekai mei onso anakunuambila lelu mu mitshima yenu, mei onso a mikenji mene mudi nuambila bana benu bua bobo kuyenza.