Yezekiyele 39:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mukelenge Yehowa udi wamba ne, Monai! Bualu ebu bunakuamba nebulue, nebuenjibue; edi ndituku mene dinakanuambila.

MUKANDA WA MYIDI MUKULU

⁸ Eyowa, malu aa neenzeke. Akadi enzeka mene. Dituku dia kulumbuluisha bantu dimvua muambe dikadi dikumbane! Meme Maweja-Nangila Mvidi Mukulu, ndi njadika nanku.

Yezekiyele 39:8 ပူးပေါင်းရင်းမြစ်များ

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yezekiyele 33:33

Hamueneka malu â—nealue bulelela— nebamanye ne muprofete wakadi munkatshi muabo.

Yezekiyele 38:17

Mukelenge Yehowa udi wamba ne, Wewe kuena muntu unakambila bantu malu ebe mu matuku a kale, bantu banyi baprofete ba Bena Isalele, bakadi bamba mei abo mu matuku au tô ne ku bidimu bia bungi, babalesha mundualua nʼebe bua wewe kubaluisha, anyi?

Yezekiyele 39:7

Nemmueneshe tshijila tshia dina dianyi munkatshi mua bantu banyi Bena Isalele; ne tshiena ngitabusha bua dina dianyi dia tshijila dihendibue kabidi; nunku ba mu bisamba bia bantu nebamanye ne, Meme ndi Yehowa, Wa Tshijila wa mu Isalele.

Yezekiyele 39:9

Mu diba adi badi bashikame mu misoko ya mu Isalele nebaluhuke, nebatemeshe kahia kabo ne bielelu abi bia nvita, nebabioshe bu nkunyi yabo: ne ngabu ya ha tshiadi ne ngabu ya ku diboko, ne mata ne mikete, ne mafuma mibi ne mafuma male; nebatemeshe kahia ne bintu ebi tô ne hahita bidimu muanda mutekete.

2 Petro 3:8

Kadi bananga, kanuhu muoyo bua bualu ebu bumue ne, Dituku dimue kudi Mukelenge didi bu bidimu tshinunu, ne bidimu tshinunu bidi bu dituku dimue.

Didimanyisha 16:17

Wa muanda mutekete wakahongolola luhanza luandi mu luhehele, ne dî dikole diakahatuka mu ntempelo, difuma ku nkuasa wa butumbi, diamba ne, Buakuenjibua;

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.