Yezekiyele 39:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bena Isalele nebikale ne mudimu wa kujika bantu aba ne wa kulengesha buloba ngondo muanda mutekete.

MUKANDA WA MYIDI MUKULU

¹² Bena Izrayele nebikale ne mudimu ngondu muanda mutekete wa kujika bitalu bia bantu aba, ne wa kumusha mikiya mu ditunga.

Yezekiyele 39:12 ပူးပေါင်းရင်းမြစ်များ

Yezekiyele 39:11

Mu dituku adi mene nempe Gogo muaba wa kujikibua mu Isalele, mu tshibanda tshia Abalima mene, ku luseke lua esete lua Dishiba dia Lufu. Bakuabo nebele nkila ku mutu kua Tshibanda tshia Abalima bua kutshijibika, ne mu muaba wawa nebajike Gogo ne tshisumbu tshiandi tshionso tshia bantu; nebaubikile ne, Tshibanda tshia Hamona-Gogo.

Yezekiyele 39:14

Nebasungule bantu badi ne bua kuenza mudimu eu ku dituku ku dituku bua bobo bendakane mu buloba, bakebekebe badi bashala hanshi ha buloba ebu kabayi banze kujikibua, bua kubulengesha. Hashika ngondo muanda mutekete nebabange kukeba bitalu bikuabo.

Yezekiyele 39:16

(Musoko wa Hamona udiku kabidi) Nunku nebalengeshe buloba.

Dibadika 19:11

Muntu udi ulenga bianza ha mubidi wa muntu mufue neikale bu muntu udi kayi muakane tô matuku muanda mutekete,

Dibadika 19:14

Eu udi mukenji wa hafuila mundi mu ntenta mundi yonso udi ubuela mu ntenta au, ne mundi yonso wakadi mu ntenta au neikale bu mundi udi kayi muakane tô matuku muanda mutekete.

Dibadika 19:16

Muntu yonso wa mu budimi udi ulenga mundi wakafua ku muele wa nvita bianza, anyi mubidi wa mundi mufue, anyi mufuba wa mundi, anyi lukita, neikale bu mundi udi kayi muakane tô matuku muanda mutekete.

Dielulula 21:23

kabashiyi tshitalu tshiandi ku mutshi butuku bujima, bamujike anu dituku adi mene; muntu yonso muowa ku mutshi udi muedibue mulau kudi Nzambi; kanunyangi buloba budi Yehowa, Nzambi wenu, unuha bua nuenu kubuhiana.