Yezekiyele 38:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Neuhangidishe bua kuhaula ne kunyenga bintu biabo ku bukole, bua kuhingasha tshianza tshiebe kabidi ku bihela bidi ne bantu bashikamemu mpindiu bua kubinyanga, bua kuluishamu bantu aba bakahatulabo munkatshi mua bisamba bia bantu, bakamana kuangata bimuna ne luhetu, badi bashikame munkatshi mua buloba.

MUKANDA WA MYIDI MUKULU

¹² Neufike bua kupawula ne kunyenga. Neuluishe bantu bavua bapingana mu bimenga bivua bangabanga mu makolu. Batua bumuke mu bisamba bikuabu basangile muaba umue. Batua bapeta bimuna ne bubanji. Mbasombe munkatshi mua bisamba mu masangu a njila.

Yezekiyele 38:12 ပူးပေါင်းရင်းမြစ်များ

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yirmeya 30:16

Nunku bantu bonso badi bakukengesha nebakengeshibue kabidi; bena lukuna bebe bonso, buonso buabo mene, nebaye mu buhika; badi banuhaula nebikale bintu bia bakuabo kuhaula; nenfile bonso badi banyenga bintu bienu bu tshintu tshidi bakuabo banyenga.

Yezekiyele 29:19

Nunku Mukelenge Yehowa udi wamba ne, Mona, nenfile buloba bua Ejipitu kudi Nebukadenesâ, mukelenge wa Babulona; yeye neaye kuabo ne biuma biabo bivule, neabuhaule, neabunyenge bintu biabu; ne bintu ebi nebikale difutu dia masalayi andi.

Yezekiyele 38:8

Hahita matuku a bungi, nebakubikile bua kuluangana; kunshikidilu kua bidimu ubange kuya bua kuluisha bena buloba bakuhanduka ku kubutuka kua muele wa nvita, tshisamba tshia bantu badibo bahatula munkatshi mua bisamba bia bungi bia bantu; bakabasangisha ha mikuna ya mu Isalele yakadi mibutuke ne dibutuka dia tshiendelele diambedi, kadi idi ne bantu bashikamehu mpindiu bakuhatulabo munkatshi mua bisamba bia bungi bia bantu, buonso buabo bashikamehu kabayi ne bualu budi bubahumbisha.

Amosa 1:8

Nengumushe bena musoko ba mu Ashedodo, nengumushe mukuatshi wa dikombo dia bunfumu mu Ashekelona; nembishe tshianza tshianyi bua kukuma Ekelona, ne Bena Peleshete batshidi bashala ne muoyo nebafue. Mukelenge Yehowa udi amba nunku.

Zekâya 1:12

Ha diba adi muanjelo wa Yehowa wakamba ne, Yehowa wa misumba, musangu neulehe bule munyi bua wewe kufuila ha mu Yelushalema ne ba misoko ya mu Yuda luse, hawakakuatshila tshiji bidimu ebi bionso makumi muanda mutekete?

Zekâya 1:17

Amba kabidi ne, Yehowa wa misumba udi wamba ne, Misoko yanyi neyule tente kabidi ne diakalengele, ne Yehowa neasambe Siona kabidi, neajadike Yelushalema kabidi.

Zekâya 13:7

Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.

Balombodi 9:37

Kadi Gala wakamuambila kabidi ne, Tangila, bantu badi bahueka munkatshi mua mikuna, ne tshisumbu tshimue tshidi tshiluila mu nshila wa ku mutshi wa telebinta wa Meonenima.