Yezekiyele 21:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Muana wa muntu, ambila bantu mei a buprofete buebe, ubambile ne, Yehowa udi wamba ne, Muele wa nvita, muele wa nvita, udi musekeshibue bimpe ne udi munonoke kabidi;

MUKANDA WA MYIDI MUKULU

⁹ Ndi musue kunubutula bonsu. Ke pandi mupatule muele bua kushipa yonsu wa kunudi biangatshile kuinshi mu ditunga too ne ku mutu.

Yezekiyele 21:9 ပူးပေါင်းရင်းမြစ်များ

Yobe 20:25

Udi uhatula mukete mu mubidi wandi, lusongo luau ludi luengelela ludi luhatuka mu kanyonga kandi; buowa bua lufu budi bunukuata.

Yobe 9:22

Malu au onso adi muomumue kundi—nunku ndi ngamba ne, Yeye udi ushiha bantu bakane ne bantu babi.

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Yeshaya 66:16

Bualu bua Yehowa neashikishe dikosa diandi dia bilumbu ne kahia, ne ku muele wa nvita hamʼbidi ha bantu bonso; ne badi bashihibua kudi Yehowa nebikale bangi.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yirmeya 15:2

Hakukonkabo ne, Tuyaya kudi kunyi? wewe ubambile ne, Yehowa udi wamba ne, Badi basungula tshihuhu nebaye ku tshihuhu; badi basungula muele wa nvita, nebaye ku muele wa nvita; badi basungula tshiole nebafue ku tshiole; badi basungula buhika nebaye mu buhika.

Yirmeya 46:4

suikai biseba ha nyima ha tubalu, nubande ha nyima hatu, nuenu bena nvita, nuimane mu mulongo, baluate bifulu bienu bia nvita; seneshai mafuma enu, luatai bivualu bia nvita!

Yirmeya 47:7

Kadi udi mua kuikala talalâ munyi, bualu bua Yehowa wakuwelela mukenji? Wakusunguila mudimu wa kukengesha ba mu Ashekelona ne ba ku muelelu wa mai manene.

Yezekiyele 21:15

Nakubabishila muele wa nvita bua kubakuatshisha buowa, tô ne hahandika mitshima yabo, bua bantu ba bungi badishinde hehi ne bibi biabo bionso. Muele wa nvita udi uhenya bu muele wa nvula, udi musekeshibue bua kushiha nʼau bantu!

Yezekiyele 21:28

Wewe kabidi, muana wa muntu, amba mei a buprofete buebe, ubambile ne, Mukelenge Yehowa udi wamba bualu bua Bena Amona, bua bihendu bidibo bahenda nʼabi Bena Isalele, ne, Muele wa nvita, muele wa nvita, udi muhatula bua kushiha nʼau bantu, udi munonoke bua kuhenya bu muele wa nvula;

Yezekiyele 21:3

Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.

Yezekiyele 21:4

Bualu bua ndi mbutula bantu bakane ne bantu babi ba munkatshi muebe, nunku muele wanyi wa nvita neuhatuke mu tshimanga tshiau bua kutaha bantu bonso ba ku luseke lua sude tô ne ku luseke lua node.

Yezekiyele 21:8

Dî dia Yehowa diakalua kundi kabidi ne,

Amosa 9:4

Nansha biayabo mu buhika hatungunusha ku mpala kudi badi nʼabo lukuna, mu muaba au nengele muele wa nvita dî, bua wowo ubashihe; nentangishe disu dianyi kudibo bua kubenzela bibi, kembua kubenzela bimpe.