Yeshaya 66:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Meme kabidi nembasunguile malu adi abatatshisha, nembavuishile malu adi abakuatshisha buowa; bualu bua, hanakababikila, kakuakadi umue wabo wakitaba; hanakakula, kabakateleja matshu abo; kadi bakenza malu akadi mabi ku mesu kuanyi, bakadisunguila malu akadi kâyi ansankisha.

MUKANDA WA MYIDI MUKULU

⁴ Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yeshaya 66:4 ပူးပေါင်းရင်းမြစ်များ

2 Bakalenga 21:2

Wakenza malu mabi ku mesu kua Yehowa, wakalonda malu a bundu a bantu ba mu bisamba abi biakihatabo kudi Yehowa ku mesu kua Bena Isalele.

2 Bakalenga 21:6

Yeye kabidi wakahitshisha muanʼandi wa balume mu kahia, wakatempa mbuku; wakadisunguila bena muhongo ne bena buloshi; wakenza malu mabi a bungi ku mesu kua Yehowa bua kumufuisha nʼau tshiji.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Nsumuinu 1:24

Bualu bua nakunubikila, ne nuenu nuakuhidia kunvua. Nakuolola tshianza tshianyi, kakuakadi muntu wakuitaba.

Nsumuinu 10:24

Tshidi muntu mubi utshina netshilue kudiye, tshidi bantu bakane basue netshifidibue kudibo.

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 59:15

Bulelela, bushuwa kabuena bumueneka, ne muntu udi wehuka ku malu mabi udi udivuisha tshintu tshia kuhaulabo. Yehowa wakatangila bualu ebu, ne buakamufikisha munda ne, Kulumbulula kuakane kakuenaku.

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Yeshaya 65:12

nennusunguile lufu lua ku muele wa nvita, ne buonso buenu nenuinyike mitu ku kubutuka; bualu bua, hanakanubikila, kanuakitaba; hanakamba dî, kanuakateleja matshu; kadi nuakenza malu akadi mabi ku mesu kuanyi, nuakasungula malu akadi kâyi ansankisha.

Yeshaya 65:2

Nakuolola bianza bianyi dinda tô ne dilolo kudi bantu badi bantombokela, badi benda mu nshila udi kayi muimpe, balonda malu adi bobo bine badihangidishila.

Yeshaya 65:3

Mbantu badi bantatshisha tshiji hatoke misangu yonso, bafila milambu ya hatuhu mu bibidi ne bosha musenga wa manananshi ha matafuadi.

Yeshaya 65:7

malu mabi enu mene ne malu mabi a batatu benu diatshimue, bualu bua bakosha musenga wa manananshi ha mutu ha mikuna mile, ne bakampenda ha mutu ha mikuna mihi, nembidikishile difutu dia bienzedi biabo bia diambedi dikongoluela mu biadi biabo.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Yirmeya 7:30

Yehowa udi wamba ne, Bena Yuda bakuenza malu adi mabi ku mesu kuanyi, bakushimika mpingu yabo ya tshinyangu mu nsubu udibo bambikidila dina dianyi, bua kunyanga nsubu eu.

Yezekiyele 11:8

Yehowa udi wamba ne, Nudi nutshina muele wa nvita; nenvishe muele wa nvita hamʼbidi henu.

Yezekiyele 14:4

Nunku akula nʼabo, ubambile ne, Mukelenge Yehowa udi wamba ne, Muntu yonso wa mu tshisamba tshia Bena Isalele wajadika mpingu yandi mu mutshima wandi, waditekela tshilenduishi ku mpala kuandi bua kudibuesha mu bubi, bialueye kudi muprofete bua yeye amulombele lungenyi, meme Yehowa nkayanyi nemmukudimune dî bu mudi bungi bua mpingu yandi,

Yezekiyele 20:25

Nakabaha mei a kulondabo akadi kâyi makane, ne mikenji yakadi kayiyi mua kubavuisha muoyo.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

1 Samuele 8:19

Kadi bantu bakahidia kunvua dî dia Samuele, bakamba ne, Nansha, tuikale ne mukelenge ku mutu kuetu,