Yeshaya 66:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bua Yehowa udi wamba dî edi ne, Monai, nemmukumbashile diakalengele bu musulu wa mai, nemmukumbashile biuma bia bisamba bia bantu bu musulu udi uhasalala mielelu yau; nenuamue mabele andi, nebanutuale ha lubese luandi, nebanukuongoluele ha bibelu biandi.

MUKANDA WA MYIDI MUKULU

¹² Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yeshaya 66:12 ပူးပေါင်းရင်းမြစ်များ

Yeshaya 14:2

Ba mu bisamba bia ba bende nebabangate, nebabafile ku muaba wabo. Ba mu Bena Isalele nebadiangatshile bantu aba bu buhianyi buabo mu buloba bua Yehowa bua kuikalabo bahika babo balume ne bahika babo bakashi. Nunku nebabueshe bantu aba mu buhika bakadi bababuesha mu buhika diambedi, ne nebakokeshe ku mutu kua bakadi babakengesha.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Yeshaya 33:21

Kadi mu muaba wawa Yehowa neikale nʼetu mu butumbi, neikale nʼetu mu muaba wa misulu minene ne misulu mikese, kudi buatu buitshibue ne nkaya kabuyi buendahu, ne buatu bunene bulengele kabuena buhitaku.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

Yeshaya 48:18

Aka! Bu wewe munvue mikenji yanyi, ditalala diebe diakadi kuikala bu musulu, ne buakane buebe buakadi kuikala bu mavuala a mai manene!

Yeshaya 54:13

Bana bebe bonso nebikale bayidi ba Yehowa; ditalala dia bana bebe nedikale dinene.

Yeshaya 54:3

Bualu bua wewe neubaluluke ku tshianza tshia balume ne ku tshianza tshia bakashi; tunkanunuma tuebe netuhiane buhianyi bua bisamba bia bantu, nebashikame mu misoko yakadi bikulu.

Yeshaya 59:19

Nunku nebatshine dina dia Yehowa ku wesete, nebanemeke butumbi buandi ku luseke ludi diba dibanda; bualu bua yeye nealue bu musulu wa mai adi ahueka lubilu, udi muhuya wa Yehowa wendesha.

Yeshaya 60:16

Newamue mabele a bisamba bia bantu, newamue mabele a bakelenge; neumanye ne, Yeye, Yehowa, udi Musungidi wanyi ne Muhikudi wanyi, Mutambe Bukole wa Yakoba.

Yeshaya 61:6

Kadi nuenu nenubikidibue ne, Bakuidi ba Yehowa; bantu nebanuidike dina ne, Bi kuatshi ba mudimu wa Nzambi wetu. Nenudie biuma bia bisamba bia bantu, ne nenuditumbishe mu butumbi buabo.

Yeshaya 66:11

Bua nuamue mabele a kunusamba kuandi, nukute; bua nuamue a bungi ne disanka ku dikumbana dia butumbi buandi.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yirmeya 33:6

Monai, nempe ba mu musoko eu kusangala ne bukole bia mubidi, nenshikishe disama diabo; nembaleshe ditalala ne bushuwa bikumbana.

Agayi 2:9

Yehowa wa misumba udi wamba ne, Butumbi bua nsubu eu bua matuku alualua nebuhite butumbi buandi bua diambedi bunene; mu muaba eu nempeshe bantu ditalala.