Yeshaya 60:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bulelela, maloba a ku muelelu wa mai neangindile, ne matu a ku Tâshishi neadianjile kufika, bua kulua ne bana bebe ba balume ku miaba idi kule, balua ne argent wabo ne or wabo diatshimue nʼabo, bua muanda wa dina dia Yehowa Nzambi webe, ne bua muanda wa Wa Tshijila wa Isalele, bualu bua yeye wakukutumbisha.

MUKANDA WA MYIDI MUKULU

⁹ Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Yeshaya 60:9 ပူးပေါင်းရင်းမြစ်များ

Genese 9:27

Nzambi akumbashe Yafete, yeye ashikame biandi mu ntenta ya Sheme, Kanana ikale muhika wandi kabidi.

1 Bakalenga 10:1

Hakunvua mukelenge mukashi wa mu Sheba lumu lua butumbi bua Solomo ne bua dina dia Yehowa, yeye wakalua bua kunuteta makonka makole.

1 Bakalenga 10:22

Bualu bua mukelenge wakadi ne matu akenda ha mutu ha mai manene ku Tâshishi hohamue ne matu a Hilama: akaya ku Tâshishi musangu umue mu bidimu bisatu, akafumaku ne or, argent ne mibanga ne nkima ne kaiba.

1 Bakalenga 22:48

Yehoshafata wakenza matu a Tâshishi a kuya nʼau ku Ofî bua kuangata or; kadi kakafikaku, akafuila anu ku Esione-gebê.

1 Bakalenga 8:41

Bualu bua muntu wa kua bende udi kayi wa munkatshi mua bantu bebe Bena Isalele, hafumeye mu buloba bua kule bua dina diebe

Misambu 48:7

Wewe wakatshibula matu manene a ku Tâshishi ne luhelele luakafuma ku luseke lua esete.

Misambu 72:10

Bakelenge ba mu Tâshishi ne ba mu bisanga bia mai manene nebafile milambu kudiye; bukelenge ba mu Sheba ne ba mu Seba nebalue ne maha abo kudiye.

Misambu 97:1

Yehowa udi ukokesha; buloha busanke; maloba mavule a ku muelelu wa mai manene ikale ne disanka.

Ekesode 33:19

Yehowa wakamba ne, Nengendeshe buimpe buanyi buonso ku mesu kuebe, nemmanyishe dina dianyi dia Yehowa ku mpala kuebe; nengikale ne dinanga kudi bantu bandi musue kuikala ne dinanga, nendeshe luse kudi bantu bandi musue kulesha luse.

Nsumuinu 18:20

Muntu udi ukuta mamuma adi mukana muandi mukuama, udi ukuta bintu bidi mishiku yandi ikuama.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 2:16

ne ku matu onso a ku Tâshishi, ne ku bintu bionso bidi bimpe ku mesu.

Yeshaya 24:15

Bua malu â tumbishai bienu Yehowa mu maloba a ku esete, tumbishai dina dia Yehowa, Nzambi wa Isalele, mu maloba a ku muelelu wa mai manene.

Yeshaya 42:10

Imbilai Yehowa musambu muhia-muhia, numutumbishe tô ne kunfudilu kua buloba! Nuenu badi benda ha mai manene, ne bintu bionso bidimu, maloba a ku muelelu wa mai manene ne bantu bonso badimu bimutumbishe.

Yeshaya 42:4

Kena uhanga kushindama, mutshima wandi kawena unema bujitu, tô ne hajadikeye kulumbulula kuakane ha buloba; ne ba mu maloba a ku muelelu wa mai manene nebindile diyisha dia mikenji yandi.

Yeshaya 43:4

Bualu bua wewe udi tshintu tshia mushinga mukole ku mesu kuanyi, mutumbishibue ne munangibue kundi, nunku nenfile bantu bakuabo mu muaba webe, nenshintakashe mioyo ya binga bisamba ku muoyo webe.

Yeshaya 43:6

Nengambile luseke lua node ne, Ubalekele, nengambile luseke lua Sude ne, Kukandamanyi nʼabo; nulue kundi ne bana banyi ba balume badi ku luseke lua kule, ne bana banyi ba bakashi badi kunfudilu kua buloba.

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 49:1

Nuenu, maloba a ku muelelu wa mai manene, telejai matshu kundi; nuenu bantu badi kule, nungunvuile. Yehowa wakumbikila diambedi tshiyi muanze kuedibua; hanakadi munda mua mamu wanyi, wakungidika dina dianyi.

Yeshaya 49:22

Mukelenge Yehowa udi wamba ne, Tangila, meme nengolole tshianza tshianyi kudi bisamba bia bantu, nembandishe dibendela dianyi bu tshimanyinu kudi bantu. Nebalue ne bana bebe ba balume mu tshiadi tshiabo, nebatuale bana bebe ba bakashi ha maha abo.

Yeshaya 51:5

Buakane buanyi nebusemene ha buihi tshituha tshihi, luhandu luanyi luakuya ku mpala, maboko anyi neakokeshe bantu; ba mu maloba a ku muelelu wa mai manene nebangindile, nebeyemene diboko dianyi.

Yeshaya 55:5

Monai, wewe neubikile tshisamba tshiudi kuyi muanze kumanya, ne bisamba bidi kabiyi bianze kukumanya nebinyemene kûdi, bualu bua Yehowa Nzambi webe, ne bua Wa Tshijila wa Isalele; bua yeye wakukutumbisha.

Yeshaya 57:17

Bua bubi bua lukuka luandi nakadi nʼandi tshiji, nakamukuma, nakasokoka mpala wanyi ne nakadi ne tshiji; kadi yeye wakananukila kuhingana ku nyima mu nshila wakadi mutshima wandi musue kuendela.

Yeshaya 60:4

Banduluka biebe, tangila ku nseke yonso; buonso buabo badi badisangishe hohamue, badi balua kûdi; bana bebe ba balume nebafume ku miaba idi kule, bana bebe ba bakashi nebalue batuadibue mu lubese.

Yeshaya 60:6

Tshisumbu tshia tumelo netshikubuikile, bana balume ba tumelo ba ku Midiyana ne ba ku Efa nehalue, tumelo atu tuonso tua ku Sheba netulue; netulue ne or ne manananshi, netumanyishe bantu bua butumbi bua Yehowa.

Yeshaya 66:12

Bualu bua Yehowa udi wamba dî edi ne, Monai, nemmukumbashile diakalengele bu musulu wa mai, nemmukumbashile biuma bia bisamba bia bantu bu musulu udi uhasalala mielelu yau; nenuamue mabele andi, nebanutuale ha lubese luandi, nebanukuongoluele ha bibelu biandi.

Yirmeya 3:17

Mu tshikondo atshi nebabikile Yelushalema ne, Nkuasa wa bukelenge wa Yehowa; bantu ba mu bisamba bionso nebadisangisheku bua kutumbisha dina dia Yehowa mu Yelushalema; kabena benda kabidi bu muakadi tshitshu tshia mu mitshima yabo mibi.

Yirmeya 30:19

Dî dia kusakidila nedihatuke munda muai, ne dî dia bantu badi basanka. Nembavudishe ne kabena bikala bantu babalê; nembatumbishe, ne kabena bikala bantu bahuekele.

Yezekiyele 39:7

Nemmueneshe tshijila tshia dina dianyi munkatshi mua bantu banyi Bena Isalele; ne tshiena ngitabusha bua dina dianyi dia tshijila dihendibue kabidi; nunku ba mu bisamba bia bantu nebamanye ne, Meme ndi Yehowa, Wa Tshijila wa mu Isalele.

Mika 4:13

Bika biebe, ubashihule, wewe muana mukashi wa Siona, bualu bua nenvuishe lusengu luebe tshiamu, nenvuishe mikono yebe tshiamu tshia mitaku; ne wewe neuboteshe bantu ba bungi; neujidile luhetu luabo kudi Yehowa, ne biuma biabo kudi Mukelenge wa buloba buonso.

Mika 7:12

Mu dituku adi nebalue kûdi, bafume ku Ashû to ne ku misoko ya mu Ejipitu mene, ku Ejipitu tô ne ku musulu wa Pelata, ku mai manene tô ne ku mai manene makuabo, ku mukuna tô ne ku mukuna mukuabo.

Sefanya 2:11

Yehowa neabakuatshishe buowa; bualu bua neatekeshe nzambi yonso ya ha buloba ne tshiole; nebamutendelele muntu ku muaba wandi, muntu ku muaba wandi, tô ne ku maloba onso adi ku muelelu wa mai manene.

Zekâya 14:14

Bena Yuda bine nebaluangane ne Bena Yelushalema kabidi. Nebasangishemu biuma bia bisamba bionso bidi binyunguluka musoko eu: or, argent, bivualu bikumbane.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Yowanane 17:26

nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.

Ngalate 4:26

Kadi Yelushalema wa mu diulu udi muena budishikaminyi, udi baba wetu.

Yoshua 9:9

Bakamuambila ne, Bahika bebe bakalua kule ku buloba bukuabo bualu bua dina dia Yehowa, Nzambi webe; bualu bua tuetu tuakunvua lumu luandi ne malu onso akenzeye mu Ejipitu,