Yeshaya 60:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bisumbu bionso bia mikoko ya ku Kedâ nebisangishibue kûdi, bimpanga bia ku Nebayota nebikukuatshile mudimu; nebibande ha tshioshelu tshianyi bu mulambu undi mua kuitabusha; nendengeshe nsubu wanyi udi ne butumbi.

MUKANDA WA MYIDI MUKULU

⁷ Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yeshaya 60:7 ပူးပေါင်းရင်းမြစ်များ

Genese 25:13

au mmena a bana ba Yishemaele ku bikondo biabo muaba bute wa Yishemaele Nebayota, ne Kedâ ne Adebele ne Mibesama,

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

Misambu 120:5

Mulau udi mikuata bua ndi ndala mu Mesheke, bua ndi mushikame munkatshi mua nsubu ya ntenta ya Kedâ!

Musambu wa Solomo 1:5

Nuenu bana bakashi ba mu Yelushalema, meme ndi mufike kadi ndi mulengele bu nsubu ya ntenta ya mu Kedâ ne bu bilulu bikudika bia Solomo.

Yeshaya 19:19

Mu dituku adi tshioshelu tshia Yehowa netshikale mu muaba wa munkatshi mua buloba bua Ejipitu, ne dikunshi nedikale ku mukalu wabu dijidila kudi Yehowa.

Yeshaya 19:21

Yehowa nendimanyishe kudi ba mu Ejipitu, ne Bena Ejipitu nebamanye Yehowa mu ditukuadi. Mmuomu, nebamutendelele ne milambu ya kumuoshela ne milambu ya bia kudia biabo, nebaditshihe mutshihu kudi Yehowa, nebenze bu mudibo baditshiha.

Yeshaya 21:16

Bualu bua Mukelenge wakungambila dî edi ne, Hahita tshidimu tshimue, bu mudi muena mudimu wa ditutu ubala bidimu biandi, butumbi buonso bua Kedâ nebuhange.

Yeshaya 42:11

Tshihela tshisanke, ne misoko idimu, misoko mene idi Bena Kedâ bashikamemu; badi bashikame mu Sela bimbe biabo, bele biabo mbila ha mutu ha mikuna.

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yeshaya 60:13

Butumbi bua Lebanona nebufike kûdi, mutshi wa cyprès, wa orme ne wa buis hohamue, bua kulengesha nʼai nsubu wanyi wa tshijila; nenvuishe tshidiatshilu tshia makasa anyi muaba wa butumbi.

Yezekiyele 20:40

Mukelenge Yehowa udi wamba ne, Bualu bua ha mukuna wanyi wa tshijila, ha mukuna wa Isalele udi mubande mulu, bonso ba mu tshisamba tshia Bena Isalele, buonso buabo mene, nebankuatshile mudimu mu buloba ebu. Mu muaba wawa nembitabushe, ne mu muaba wawa nennulombe milambu yenu ne mamuma a kumudilu anudi nufila kundi ne bintu bienu bionso bia tshijila.

Yezekiyele 27:21

Ba mu Alaba ne bakokeshi ba mu Kedâ bakakukuatshila mudimu wa bungendʼa mushinga; bakakuhanyisha bana ba mikoko, bimpanga ne mbushi.

Mika 4:1

Mu matuku alualua mukuna wa nsubu wa Yehowa neujadikibue bu mukuna wa ha mutu ha mikuna minene, neubandishibue ha mutu na mikuna mikese; ne ba mu bisamba bionso nebabuelemu.

Sefanya 3:10

Ku miaba idi dishiya dia misulu ya mu Atiopa nebalue ne batendeledi banyi, bantu banyi batangadishibue mene, nebalue ne mulambu kundi.

Zekâya 2:8

Udi ubisha tshianza tshiandi kudi Bena Isalele udi utu mu kamonyi ka disu dia Yehowa. Bua bualu ebu, Yehowa wa misumba, mumane kuntuma bua kumuhetela butumbi kudi ba mu bisamba bia bantu bakanuhaula, udi wamba ne,

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

Rome 15:16

bua meme kuikala mukuatshishi wa mudimu wa Kilisto Yesu mutumibue kudi bisamba bia bende, ngenza mudimu wa muakuidi wa mu lumu luimpe lua Nzambi, bua kufila kuanyi kua bisamba bia bende kuvuishibue mulambu udi Nzambi musue, mujidibue kudi Nyuma Muimpe.

Ebrewu 13:10

Tudi ne tshioshelu, tshidi badi bakuata mudimu mu tshitendelelu kabai bamanye mua kudiaku.