Yeshaya 57:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nakutangila bienzedi biandi, ne nenshikishe disama diandi; nemmulombole kabidi, nemmufute ne busambi, nenfukile bianyi bena madilu bandi mamuma a ku mishiku.

MUKANDA WA MYIDI MUKULU

¹⁸ Ndi mumanye bimpe mudibu benza. Kadi meme nembenzele nenku: Nembalengeje, nembalombole mu njila, nembakoleshe ku muoyi! Bantu bavua bavuala bilamba bia madilu,

Yeshaya 57:18 ပူးပေါင်းရင်းမြစ်များ

Misambu 23:2

Yeye udi undadika mu mitoloka ya mashinde. Udi undombola hehi ne mai adi talalâ;

Misambu 51:12

Umpingishile disanka dia luhandu luebe, ushindike ne mutshima wa mua kuenza bu mu disua diebe.

Misambu 94:19

Mu divulangana dia matata munda muanyi, masamba ebe adi asankisha mutshima wanyi.

Muambi 9:4

Bualu bua udi ubadibue munkatshi mua badi ne muoyo udi ne ditekemena; bualu bua mbua udi ne muoyo udi uhita nyama wa ntambue mufue.

Yeshaya 1:18

Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Yeshaya 12:1

Mu dituku adi newambe biebe ne, Nenkusakidile wewe, Yehowa; bualu bua wakankuatshila tshiji diambedi, kadi tshiji tshiebe tshiakukudimuka kundi, wakunsamba.

Yeshaya 19:22

Yehowa neakume ba mu Ejipitu, neabatahe ne neabasangashe kabidi; nebahingane kudi Yehowa, ne yeye neitabushe bua bamulombe, neakoleshe mibidi yabo.

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Yeshaya 30:26

Bualu bukuabo kabidi, munya udi ufuma ku ngondo newikale bu munya udi ufuma ku diba, ne munya wa ku diba neuvudishibue misangu muanda mutekete, newikale bu munya wa matuku muanda mutekete, mu dituku didi Yehowa ujingila mputa ya bantu bandi, ne udi ukamisha mputa yakatahibuabo.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Yeshaya 51:12

Meme, meme mene, nyeye udi unusumba; wewe nnganyi bua kutshina muntu ulualua kufua, ne muana wa muntu udi uvuishibua bu mashinde?

Yeshaya 52:12

Bualu bua kanulubukimu lukasa, kanunyemi lubilu; bualu bua Yehowa neaye ku mpala kuenu, ne Nzambi wa Isalele neanulame ku nyima kuenu.

Yeshaya 53:5

Kadi bakamutaha mputa bua mibi yetu, bakamukuma bua malu mabi etu; dikenga didi divuisha ditalala dietu diakadi hamʼbidi handi, ne tuakukoleshibua ku mibundabunda yandi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 58:11

Yehowa neakulombele matuku onso, neaukutshishe muoyo webe mu tshikondo tshia munanga, neakoleshe mifuba yebe. Wewe newikale bu budimi budibo bamiamina mai, bu mushimi wa mai udi mai au kâyi akama.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 3:22

Nuenu, bana banyi bandekedi, hinganai kundi, nennuondahe ku buhidia buenu. Mona, tuakulua kûdi; bualu bua wewe udi Yehowa Nzambi wetu.

Yirmeya 30:17

Yehowa udi wamba ne, Nenkusangashe, nengumishe mputa yebe, bualu bua badi bakubikila ne, Muntu udibo bihata, Siona, udi muntu kayi nʼandi bualu.

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Yirmeya 33:6

Monai, nempe ba mu musoko eu kusangala ne bukole bia mubidi, nenshikishe disama diabo; nembaleshe ditalala ne bushuwa bikumbana.

Zekâya 1:13

Yehowa wa kandamuna muanjelo wakadi uyikila nʼanyi mei makese, mei a kumusamba nʼau.

Luke 15:20

Yeye wakabika, wakalua kudi tatu wandi. Hakadiye kuakua, tatu wandi wakamumona, luse luakamukuata, wakanyema lubilu, wakamuela tshituha ku nshingu, wakamutuatua mishiku.

Rome 5:20

Mikenshi yakabuela kabidi bua bushihi bua mikenshi buvulangane. Kadi hakavulangana bubi, ngasa wakatamba kusangana.

Didimanyisha 7:17

bualu bua Muana wa Mukoko udi munkatshi mua nkuasa wa butumbi neikale mulami wabo, ne neabalombole ku mishimi ya mai a muoyo; ne Nzambi neakuhule tshinsonshi tshionso ku mesu kuabo.