Yeshaya 56:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nuenu nyama yonso ya mu mpata, nulue kudia, ne nuenu nyama yonso ya muitu kabidi.

MUKANDA WA MYIDI MUKULU

⁹ Nuenu bantu banyi, nuenu nyama ya mu mpata, ne nuenu nyama ya muitu, luayi bonsu mu didia dia disanka!

Yeshaya 56:9 ပူးပေါင်းရင်းမြစ်များ

Misambu 104:20

Udi uvuisha biebe mîdima, butuku budi biula, halua nyama yonso ya muitu kuhatuka bua kubombelelai.

Yeshaya 18:6

Nebashiye buonso buabi kudi nyunyu ya mu mikuna itu yadia munyinyi, ne kudi nyama ya mu mpata. Nyunyu itu yadia munyinyi neyiyikile bamʼbidi habi mu tshidimu tshia luya, nyama yonso ya mu mpata neyimane hadibi mu tshidimu tshia mashika.

Yeshaya 46:11

ndi mbikila nyunyu ku luseke lua esete udi mushihianganyi, ndi mbikila muntu udi wenza di dianyi mufume ku buloba budi kule. Bulelela, nakuamba dî dianyi, nendimane; nakadihangidishila bualu, nembuenze.

Yirmeya 12:9

Yuda, buhianyi buanyi, wakulua kundi bu nyunyu udi ne matoba matoba udi udia munyinyi, anyi? nyunyu idi idia munyinyi idi imunyunguluka bua kumuluisha, anyi? Yai bienu, nusangishe nyama yonso ya mu mpata, nulue nʼai bua kumudiayi.

Yirmeya 23:1

Yehowa udi wamba ne, Mulau wikale kudi balami badi bashiha ne badi batangadisha mikoko ya mu mpata wanyi.

Yezekiyele 29:5

Nenkuele mu tshihela tshia lusenga, wewe ne mishiha yonso ya mu misulu yebe. Neuhone mu mpata wa hatuhu, kabena batubula tshitalu tshiebe, kabena bakujika. Nakukuha bu bia kudia kudi nyama ya ha buloba ne kudi nyunyu ya mulu.

Yezekiyele 39:17

Mukelenge Yehowa udi ukuambila wewe, muana wa muntu, ne, Ambila nyunyu ya mishindu yonso ne nyama yonso ya mu mpata ne, Nudisangishe hohamue, nulue; nufume ku nseke yonso, nudikunguishe ku muaba udi minyinyi yanyi indi nnushihela, milambu mene indi nnulongoluela ha mikuna ya mu Isalele, bua nuenu nudie munyinyi ne nunue mashi.

Dielulula 28:26

Bitalu bienu nebikale bu bidia bia nyunyu yonso ya mu diulu ne bia nyama yonso ya ha buloba; kakuena muntu udi uyihata.