Yeshaya 55:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Telejai matshu enu, nulue kundi; nunvue bienu, nenuikale ne muoyo. Bua nempunge nʼenu tshihungidi tshia tshiendelele, tshidi luse lunajadikila Davidi kashidi.

MUKANDA WA MYIDI MUKULU

³ Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Yeshaya 55:3 ပူးပေါင်းရင်းမြစ်များ

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Matayi 11:28

Luai kundi, bonso badi ne mu dimu mukole, badi ne bujitu bunene, meme nenuhe dikisha.

Nsumuinu 4:20

Muanʼanyi, unvua mei anyi bimpe, teleja matshu ebe ku mianda indi nkuambila.

Yowanane 10:27

Mikoko yanyi idi yunvua dî dianyi, ndi muimanye, idi indonda;

Bienzedi 13:34

Ne bua dibisha diandi ku lufu, kai uhingana kashidi bua kuboleye, Nzambi wakamba ne, Nenuhe masanka makane ne a bushua a Davidi.

Genese 17:7

Nenjadike tshihungidi tshianyi hankatshi hetu hebe ne tunkanunuina tuebe to ne bikondo biatu bionso bu tshihungidi tshia tshiendelele, bua meme kuikala Nzambi webe ne wa tunkanunuina tuebe.

Yowanane 6:37

Bonso badi Tatu umpa nebalue kundi; tshiena ngihata walua kundi.

Yeshaya 61:8

Bualu bua meme Yehowa ndi musue kulumbulula kuakane, ndi nkina kunyenga kua bina ne kuenza kua malu mabi; nembahe difutu diabo mu lulamatu luanyi lua bushuwa, nempunge nʼabo tshihungidi tshia tshiendelele.

Misambu 78:1

Nuenu bantu banyi, telejai matshu enu kudi diyisha dia mikenji yanyi; telejai matshu enu ku mei adi ahatuka mukana muanyi.

Yeshaya 54:8

Mu tshiji tshitamba hukole nakasokoka mpala wanyi kûdi katuha kihi kadi mu dinanga dia tshiendelele nenkufuile luse.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Yowanane 8:47

Wa Nzambi udi unvua mei a Nzambi; ebu mbualu bunudi kanui nûnvuila, bua kanuena ba Nzambi.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Yirmeya 50:5

Nebebeshe bantu bua nshila wa ku Siona, batangishe mpala yabo ku musoko wawa, bamba ne, Luai, lulamate kudi Yehowa mu tshihungidi tshia tshiendelele tshidi katshiyi mua kuhuibua muoyo.

Yirmeya 33:26

nunku kabidi nempidie bana ba Yakoba ne ba Davidi muntu wanyi, bua tshisungudi umue wa mu tunkanunuina tuandi bua bobo bikale bakokeshi ha mutu ha tunkanunuma tua Abalahama, tua Isaka ne tua Yakoba; kadi nenkudimune buhika buabo bua kubahingashila diakalengele, nembafile luse.

Yirmeya 30:9

kadi nebakuatshile Yehowa Nzambi wabo mudimu, ne Davidi mukelenge wabo unababishila.

Misambu 119:112

Nakuinyika mutshima wanyi bua kuenzau mikenji yebe mifunda tshiendelele tô ne kunshikidilu mene.

Misambu 89:28

Nemmutekele luse luanyi lujalame kashidi; tshihungidi tshianyi netshishale tshihungidi tshidiye mua kueyemena.

2 Samuele 23:5

Bulelela, nsubu wanyi kena nunku ku mesu kua Nzambi, kadi yeye wakahunga nʼanyi tshihungidi tshia tshiendelele, tshilongolodibue mu malu onso, ne tshijadikibue, bualu bua tshidi luhandu luanyi luoso ne disua dianyi dionso, yeye kena ubidiundisha, anyi?

Matayi 13:16

Kadi mesu enu adi ne disanka, bua adi amona; matshu enu adi ne disanka kabidi, bua adi unvua

Rome 10:5

Mose wakafunda ne, Muntu udi wenza buakane bua ku mikenshi neikale ne muoyo bualu buabu.

Yowanane 7:37

Hakalua dituku dia kunshikidilu dia disanka, diakadi dituku dinene, Yesu wakimana, wakela dî diandi bikole ne, Bikala muntu ne nyota, alue kundi, anue.

2 Kulondolola 6:42

Yehowa Nzambi, kukudimushi mpala wa muntu webe wakelabo manyi ha mutu handi; uvuluke luse luebe lujalame kudi Davidi, muntu webe.

Misambu 119:175

Mutshima wanyi wikale ne muoyo, ne wowo neukutumbishe; mei ebe majalame ankuatshishe!

Yeshaya 51:4

Unvuai dî dianyi, nuenu bantu banyi; telejai matshu enu kundi, nuenu ba mu tshisamba tshianyi; bualu bua diyisha dia mikenji nedihatuke kundi, ne kulumbulula kuanyi kuakane nekuikale munya kudi bantu.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yirmeya 38:20

Kadi Yelemiya wakamba ne, Kabena bakufila kudibo. Ndi nkusengelela ne, Utumikile dî dia Yehowa dindi nkuambila, bua wewe wikale ne diakalengele ne bua mutshima webe wikale ne muoyo.

Yezekiyele 16:60

Kadi nenvuluke tshihungidi tshinakahunga nʼebe mu matuku a buana buebe, nenjadike nʼebe tshihungidi tshia tshiendelele.

Yezekiyele 34:24

Ne meme, Yehowa, nengikale Nzambi wai, ne muntu wanyi Davidi neikale mukokeshi wai; meme, Yehowa, nakuamba dî edi.

Yezekiyele 37:26

Bualu bukuabo, nempunge nʼabo tshihungidi tshia ditalala; netshikale tshihungidi tshia tshiendelele; nembajadike mu buloba buabo, nembakumbashe ba bungi, nenteke tshitendelelu tshianyi munkatshi muabo tshiendelele.

Amosa 5:4

Bua Yehowa udi wambila Bena Isalele dî edi ne, Nkeba! meme ne nenuikale ne muoyo;

Amosa 5:6

Kebai Yehowa, nenuikale ne muoyo; bua yeye katemeshi kahia mu tshiota tshia Yosefe, bua koko kakabashidishi, kakuyi muntu mu Betele udi mua kukajima;

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Ekesode 15:26

wakabambila ne, Binuatumikila di dia Yehowa Nzambi wenu, binuenza malu adi mimpe ku mesu kuandi, ne binuateleja matshu kudi mikenji yandi, binuenza mei andi onso, tshiena nnutumina nansha disama dimue dinakatumina Bena Ejipitu, bualu bua meme ndi Yehowa udi unuondaha.

2 Samuele 7:29

Witabushe bua kuvudishila tshiota tshia muntu webe disanka bua tshikaleku tshiendelele ku mpala kuebe; bualu bua wewe, Mukelenge Yehowa, wakamba bualu ebu; disanka diudi nʼadi dikale ku tshiota tshia muntu webe tshiendelele.

Misambu 89:29

Nenjadike mulongo wa tunkanuniuna tuandi bua wikaleku tshiendelele, nenjadike nkuasa wandi wa bukelenge bua ikaleku bu mudi diulu dikalaku ne matuku adi.

Nsumuinu 7:2

Ulame mikenji yanyi, wikale ne muoyo; ulame diyisha dianyi bu mûdi ulama kamonyi ka disu diebe.

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.