Yeshaya 54:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nzambi webe udi wamba ne, Kutshinyi; bualu bua bundu kabuena bukukuata; kubuandakanyi, bualu bua kabena bakufuisha bundu. Bualu bua wewe neuhue bundu bua bunsongakashi buebe muoyo; kuena uvuluka kabidi tshihendu tshiakakuhendabo nʼatshi hawakadi mukashi wa mu lufuila.

MUKANDA WA MYIDI MUKULU

⁴ Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Yeshaya 54:4 ပူးပေါင်းရင်းမြစ်များ

Yobe 11:16

Bualu bua tshihua muoyo netshikukuate bua dikenga diebe, neudivuluke anu bu mai mamane kuhueka.

Yeshaya 25:8

Yeye wakumina lufu tshiendelele; ne Mukelenge Yehowa neakuhule binsonshi ku mesu kua bantu bonso; neumushe tshihendu tshidibo bahenda nʼatshi bantu bandi, utshiumusha ha buloba buonso; bualu bua Yehowa wakuamba dî edi.

Yeshaya 29:22

Nunku Yehowa wakahikula Abalahama udi wamba dî edi bua bana ba Yakoba ne, Yakoba kena wikala ne bundu ku mesu mpindiu, mpala wandi kena utokoloka kabidi.

Yeshaya 4:1

Mu dituku adi bakashi muanda mutekete nebakuate mulume umue ku tshianza, bamba ne, Netudie bidia bietu tuetu, netuluate bilulu bietu tuetu; kadi anji kuitabusha bua batubikile ku dina diebe; utûmushile bundu buetu.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 50:7

Bualu bua Mukelenge Yehowa neankuatshishe, nunku tshiakubuandakana; bua bualu ebu nakutantamasha mpala wanyi bu dibue, ndi mumanye ne, Tshiena ngikala ne bundu ku mesu;

Yeshaya 51:7

Nungunvuile, nuenu badi bamanye buakane, badi ne diyisha dianyi dia mikenji mu mitshima yenu; kanutshinyi bihendu bia bantu, buowa kabunukuatshi bua matuka abo.

Yeshaya 54:14

Nebakushimike mu buakane; wewe newikale mu muaba ûdi ushiya makenga kule, bualu bua kuena wikala ne bualu bua kutshina; ne buowa nebushale kule nʼebe, bualu bua kabuena bulua ha buihi nʼebe.

Yeshaya 61:7

Mu muaba wa bundu buenu nenuikale ne nseke ibidi ya buhianyi, mu muaba wa dikeheshibua nebikale ne disanka mu buhianyi buabo; nunku nebikale ne bituha bibidi bia buhianyi mu buloba buabo; disanka diabo nedikale disanka dia tshiendelele.

Yeshaya 65:16

Nunku muntu udi udivudishile disanka mu buloba neadivudishile disanka mu Nzambi wa bushuwa, ne muntu udi uditshiha mu buloba neaditshihe mu Nzambi wa bushuwa; bualu bua makenga a diambedi adi akuata tshihua muoyo, ne bualu bua adi masokoka ku mesu kuanyi.

Yirmeya 31:19

Hakantuminabo kukuabo, nakakudimuna mutshima wanyi; hakanyishabo ne dikenga, nakadikuma ha tshibelu; nakadi ne bundu bulelela, nakatshinyishibua, bualu bua nakadituadila malu a mu bunsongalume akanfuisha bundu.

Muadi 1:1

Monai musoko wakadi tente ne bantu mudiu mushale mutuhu! Wowo wakadi munene munkatshi mua bisamba bia bantu wakulua bu mukashi wa mu lufuila! Yeye wakadi mukelenge mukashi munkatshi mua misoko mikuabo ya buloba ukadi uyilambula!

Yezekiyele 16:22

Mu malu ebe onso a tshinyangu ne a masandi kuakuvuluka matuku a buana buebe, hawakadi butaka kuyi ne tshivualu, udibonda mu mashi ebe.

Yezekiyele 16:43

Mukelenge Yehowa udi wamba ne, Bualu bua kuakuvuluka matuku a buana buebe, kadi wakunfikisha munda ne malu â onso, nunku meme hanyi nenkukengeshe bua bienzedi biebe. Kuakuenza muanda eu wa tshikama ha mutu ha malu ebe onso a bundu, anyi?

Yezekiyele 36:15

Mukelenge Yehowa udi wamba ne, Tshiena ngitabusha bua wewe kunvua kabidi mei a bihendu adi ba mu bisamba bia bantu bamba bua bualu buebe, ne kuena wikala ne bualu bua kuitabusha bihendu bia bantu ba bende kabidi, ne kuena ulenduisha ba mu tshisamba tshiebe kabidi.

Yowele 2:21

Wewe buloba, kutshinyi nansha! Wikale ne disanka ne musangelu, bualu bua Yehowa wakuenza malu manene!

Sefanya 3:11

Mu dituku adi kuena ufuishibua bundu bua bienzedi biebe bionso biwakuntombokela nʼahi; bualu bua mu dituku adi nengumushe munkatshi muenu bantu bebe badi baditumbisha ne dihetu diabo; wewe kuena wikala ne dihetu kabidi mu mukuna wanyi wa tshijila.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

1 Petro 2:6

Bualu bua dî didi mu Mukanda wa Nzambi ne, Tangilai, udi nteka mu Siona dibue dinene dia mu ditumba dia nsubu, disungula ne dia mushinga mukole; Weyemena kudidi kena ufuishibua bundu.