Yeshaya 54:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Imba biebe, wewe mukashi wa nkumba, wewe udi kuyi mulele; bandisha mei ebe mu kuimba kua misambu, wela dî dikole, wewe udi kuyi muikale ne didinyenga dia ha kulela! Bualu bua Yehowa udi wamba ne, Bana ba mukashi udi mushale hatuhu badi bahita bana ba mukashi mubaka bungi.

MUKANDA WA MYIDI MUKULU

¹ Wewe Yerushalayime, ukavua bu mukaji uvua kayi ne bana. Ela mbila mikole ya disanka. Wewe uvua kuyi ulela kabidi bana ba balume, Sankaku amu kusanka. Bualu Maweja-Nangila udi wamba ne: “Wewe mukaji mudiombola, udi ne bana ba bungi mpindiewu, bapite ba mukaji udibu banange kudi bayende.”

Yeshaya 54:1 ပူးပေါင်းရင်းမြစ်များ

Genese 21:6

Sala wakamba ne, Nzambi wakansekesha ne bantu bonso badi bunvua lumu elu nebaseke nʼanyi.

Misambu 113:9

Udi ushikamisha mukashi udi nkumba mu nsubu, umuvuisha muledi wa bana udi ne disanka. Tumbishai Yehowa!

Musambu wa Solomo 8:8

Tudi ne muakunyʼetu wa bakashi udi kayi muase mabele; netuenzele muakunyʼetu wa bakashi tshinyi dituku diamubangilabo?

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 24:14

Bantu aha nebabandishe mei abo, nebele mbila ya disanka; bua butumbi bua Yehowa badi bela dî dikole difume ku mai manene.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Yeshaya 49:19

Bualu bua miaba yebe minyanguke ne misoko yebe yakadi bikulu, ne buloba buebe buakadi bubutuke, nebitambe kubumbakana bua bantu bashikamemu. Bantu bakakumina diambedi nebikale kule.

Yeshaya 49:20

Bana bawakulela mu tshikondo tshia mu lufuila luebe nebanze kuamba mu matshu ebe ne, Muaba eu udi utamba kubumbakana bua bualu buetu, utuhe muaba mukumbane bua tuetu kushikamamu.

Yeshaya 62:4

Kabena bakubikila kabidi ne, Mushiya hatuhu; kabena babikila buloba buebe kabidi ne, Bubutuke; kadi nebakubikile ne, Disanka-dianyi-didi-kudiye, nebabikile buloba buebe ne, Mubakibue; bualu bua Yehowa udi nʼebe disanka, ne buloba buebe nebuikale bu mukashi mubakibue kudi mulume.

Yeshaya 66:7

Diambedi Siona kayi muanji kutantamana, wakalela; diambedi didinyenga diandi dia ha kulela kadiyi dianji kumukuata, wakalela muana wa balume.

Sefanya 3:14

Imba biebe, wewe muana mukashi wa Siona; Bena Isalele, elai mbila; ikale ne disanka, sankaku bikole ne mutshima webe wonso, wewe muana mukashi wa mu Yelushalema!

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Ngalate 4:27

Bua bakafunda ne, Mukashi wa nkumba udi kai mulele, usanke biebe; Ne mukashi udi kai ne didinyenga dia ha kulela, uhandishe dî diebe, udile biebe; Bualu bua bana ba mukashi muhidibue badi batambe bana ba mukashi wakashala ne mulume bungi.

1 Samuele 2:5

Bakadi bukuta mafu bakabuela mu mudimu bua kuangatabo bidia: bakadi ne nzala kabena ne nzala kabidi: wakadi nkumba wakalela bana muanda mutekete: wakadi ne bana ba bungi udi unyingalala.