Yeshaya 52:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku bantu banyi nebamanye dina dianyi; nunku nebamanye halua difuku diadia ne, Mmeme Yehowa udi wamba dî edi; ka meme ndiku.

MUKANDA WA MYIDI MUKULU

⁶ Ke mundi mfika. Bantu banyi nebamanye ne: meme ndi nganyi! Nebamanye ne: meme ndi mbambila malu malelela!”

Yeshaya 52:6 ပူးပေါင်းရင်းမြစ်များ

Misambu 48:10

Nzambi, bu mudi dina diebe dimanyibue, mbu mudi ditumbishibua diebe difika tô ne kunfudilu kua buloba. Tshianza tshiebe tshia balume tshidi tshiule tente ne buakane.

Ekesode 3:13

Mose wakambila Nzambi ne, Hanaya bianyi kudi Bena Isalele, hanabambila ne, Nzambi wa batatuʼenu wakantuma kunudi, nebankonke ne, Dina diandi nganyi, nembambile tshinyi?

Ekesode 33:19

Yehowa wakamba ne, Nengendeshe buimpe buanyi buonso ku mesu kuebe, nemmanyishe dina dianyi dia Yehowa ku mpala kuebe; nengikale ne dinanga kudi bantu bandi musue kuikala ne dinanga, nendeshe luse kudi bantu bandi musue kulesha luse.

Ekesode 6:3

Nakamueneka kudi Abalahama ne kudi Isaka ne kudi Yakoba bu Nzambi wa Bukole Buonso, kadi bobo kabakamanya dina dianyi Yehowa nansha

Yeshaya 40:9

Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

Yeshaya 42:9

Monai, malu a diambedi akumana kulua, ndi nnuambila malu mahia-mahia; ndi nnuambila malu â diambedi kayi manji kumueneka.

Yeshaya 49:23

Bakelenge nebikale batatu bebe balami, ne bakelenge babo bakashi nebikale bamamu bebe bandeshi. Nebatue mpala yabo hanshi ku mpala kuebe, nebalake luhuishi lua ku makasa ebe. Ka wewe neummanye meme ne, Ndi Yehowa mene; badi bangeyemena kabena bafuishibua bundu.

Yeshaya 60:16

Newamue mabele a bisamba bia bantu, newamue mabele a bakelenge; neumanye ne, Yeye, Yehowa, udi Musungidi wanyi ne Muhikudi wanyi, Mutambe Bukole wa Yakoba.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Yezekiyele 20:44

Mukelenge Yehowa udi wamba ne, Tshiena nnuenzela bu mudi malu mabi enu, anyi bu mudi bienzedi bienu binyanguke, nuenu ba mu tshisamba tshia Bena Isalele, kadi nenumanye ne, Ndi Yehowa, hananuenzela malu bua dina dianyi.

Dibadika 23:19

Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?