Yeshaya 51:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bandishai mesu enu mu diulu, tangilai buloba muinshi muadî; bualu bua diulu nedijimine bu muishi, buloba nebusunsuke bu tshilulu, ne badi bashikamemu nebafue bu tuishi; kadi luhandu luanyi neluikaleku tshiendelele, ne buakane buanyi kabuena bumushibue.

MUKANDA WA MYIDI MUKULU

⁶ Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Yeshaya 51:6 ပူးပေါင်းရင်းမြစ်များ

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Misambu 111:3

Mudimu udiye wenza udi ne buneme ne butumbi; buakane buandi budiku tô ne kashidi.

Yeshaya 13:13

Nunku nenzakashe bintu bia mu diulu, nenkankishe buloba tô ne humukabu mu muaba wabu, bualu bua tshiji tshia Yehowa wa misumba mu dituku dia tshiji tshiandi tshikole.

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Yeshaya 34:4

Bintu bionso bia mu diulu nebivingutuke kabidi; nebavunge bia mu diulu hohamue bu mukanda muvunga. Misumba yabi yonso neyijimine bu mudi dibeshi difubidila dihohoka ku muonshi, ne dibeshi difubidila dihohoka ku mutshi wa nfigi.

Yeshaya 40:26

Bandishai mesu enu kulu, numone bienu! Wakafuka bintu ebi nganyi? Nyeye udi uhatula misumba yabi, ubala bungi buabi, ne udi ubuikila buonso buabi mena abi; ne bualu bua bunene bua bukole buandi, ne bualu bua bukole bua bukokeshi buandi, kakuena umue wabi udi uhanga kumueneka.

Yeshaya 45:17

Kadi Bena Isalele nebasungidibue kudi Yehowa ne luhandu lua tshiendelele; kanuena nufuishibua bundu, kanuena nubuandakana tô ne tshiendelele.

Yeshaya 50:9

Monai, Mukelenge Yehowa neankuatshishe; muntu kai neampishe? Monai, buonso buabo nebasunsuke bu tshmialu; tshibayibayi netshibadie.

Yeshaya 51:8

Bualu bua tshibayibayi netshibadie bu tshivualu, ne tshishi netshibadie bu miosa ya mikoko; kadi buakane buanyi nebuikaleku tshiendelele, luhandu luanyi neluikaleku tô ne ku bikondo bionso.

Yeshaya 54:10

Bualu bua mikuna mile idi mua kumuka, ne mikuna mihuekele idi mua kuzakashibua, kadi dinanga dianyi kadiena diumuka kûdi, ne tshihungidi tshianyi tshia ditalala katshiena tshiumushibua, mudi Yehowa udi ukufuila luse wamba.

Yeshaya 54:9

Bua bualu ebu budi bu muakadi matuku a Noa kundi; bua bu munakadi tshiha bua mai a nvula mu matuku a Noa ne, Kaena alua ha buloba kabidi, nunku nakuditshiha ne, Tshiena nkuata nʼebe tshiji kabidi, tshiena nkubela.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Matayi 24:35

Diulu ne buloba nebijimine, kadi mei anyi kêna ajimina.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Dielulula 4:19

bua hanuabandisha mesu enu mulu, ne hanuatangila diba ne ngondo ne mitoto ne bintu bionso bia mu diulu, kanubitendeledi, kanubienzedi mudimu; ebu mbualu buakaha Yehowa, Nzambi wenu, bantu bonso bakuabo badi muinshi mua diulu.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Ebrewu 9:12

kembua mashi a mbushi ne a bana ba ngombe, kadi bua mashi andi mene, wakabuela mu muaba mutambe tshijila musangu umue tshiendelele, mumane kuangatshila bantu dihikula dia tshiendelele.

Ebrewu 9:15

Bua bualu ebu yeye udi mutuanganyi wa tshihungidi tshihia-tshihia, bua lufu lumane kulua bua dihikula diabo dia ku malu masambuka mikenshi adi munshi mua tshihungidi tshia kumudilu, babo bakubutidibua badi mua kuangata mulabi wa buhianyi bua tshiendelele.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.