Yeshaya 51:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wewe nnganyi bua kuhila Yehowa Mufuki webe muoyo, wakabalula diulu ne wakajadika bishimikidi bia buloba; ne utu watshina dinda tô ne dilolo bualu bua tshiji tshikole tshia mukengeshi, haludikeye mukete bua kubutula nʼau? Tshiji tshikole tshia mukengeshi tshidi kudi kunyi?

MUKANDA WA MYIDI MUKULU

¹³ Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yeshaya 51:13 ပူးပေါင်းရင်းမြစ်များ

Estere 5:14

Hashishe mukashi wandi Zeleshe ne balunda bandi bakamuambila ne, Balongolole tshiowelu bule bua coudées makumi atanu, hatshiabu wewe wambile mukelenge bua kuowelaku Môdekai; hashishe neumanye mua kuya ne mukelenge ne disanka ku bidia bia disanka dinene. Bualu ebu buakasankisha mutshima wa Hamana; yeye wakalongololesha tshiowelu.

Estere 7:10

Nunku bakowa Hamana ku tshiowelu tshiakalongolueleye Môdekai. Hashishe tshiji tshia mukelenge tshiakalekela.

Yobe 37:18

wewe udi mumanye mua kubalulula nʼandi diulu didi dikole bu ludimuenu luakufulabo mu kahia, anyi?

Yobe 9:8

Udi uvungulula bintu bia mu diulu nkayandi, udi wenda ha mavuala a mu mai manene.

Misambu 104:2

wewe udi uluata munya bu tshitalu; udi uvungulula bia mu diulu bu tshilulu tshikudika.

Misambu 106:13

Bakahua bienzedi biandi muoyo lukasa; kabakindila dî diandi.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Yeshaya 10:24

Nunku Mukelenge, Yehowa wa misumba, udi wamba ne, Nuenu bantu banyi badi bashikame mu Siona, kanutshinyi Bena Ashû, nansha bianukumabo ne mulangala, ne biabishabo tshibonge tshiabo bua kunututa nʼatshi, bu muakenza Bena Ejipitu.

Yeshaya 14:4

neubange kuimba musambu eu wa kutshimbisha nʼau mukelenge wa mu Babulona. Newambe biebe ne, Mona mudi mutukengeshi muholeshibue, ne mudi tshiji tshiandi tshiakudibandisheye nʼatshi tshihuwishibue!

Yeshaya 16:4

Itabusha bua bantu bakihatabo mu Moaba bashikame nʼebe; wikale kudibo bu tshibuikilu tshidi tshibasokoka ku mesu kua mushihianganyi. Hafika munyengi wa bintu ku ndekelu kuandi, halekela muhaudi wa bintu kuhaula, halua badiatshi ba bantu kujimina mu buloba kabidi;

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yeshaya 40:21

Kanuakumanya? Kanuakunvua? Kabakunuambila ku tshibangidilu? Kanuakujingulula katshia bajadika bishimikidi bia buloba, anyi?

Yeshaya 40:22

Nyeye udi mushikame ha mutu ha mukalu udi utuangasha buloba ne diulu ne ba ha buloba badi bu mpasu; udi uvungulula bia mu diulu bu tshilulu tshikudika, udi ubibalulula bu ntenta wa kushikamamu.

Yeshaya 42:5

Nzambi Yehowa wakafuka bia mu diulu ne wakabivungulula, wakafuka buloba ne bintu bionso bidi bifumamu, udi uha bantu badihu muhuya ne bantu badi bendahu nyuma.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 44:24

Yehowa, Muhikudi webe, wakakufuanyikisha munda mua mamu webe, udi wamba ne, Meme ndi Yehowa udi ufuka bintu bionso; udi ubalula bintu bia mu diulu nkayandi; udi ubalula buloba kabidi (wakadi nʼanyi nganyi?).

Yeshaya 45:12

Nakafuka buloha, nakafuka bantu badimu. Bianza bianyi nkayabi biakabaha diulu, ne nakelela bintu biadi bionso mukenji.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yeshaya 48:13

Bulelela, tshianza tshianyitshiakajadika bishimikidi bia buloba, tshianza tshianyi tshia bukole tshiakabalula diulu; hanabibikila, bidi bimana hohamue.

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Yeshaya 54:14

Nebakushimike mu buakane; wewe newikale mu muaba ûdi ushiya makenga kule, bualu bua kuena wikala ne bualu bua kutshina; ne buowa nebushale kule nʼebe, bualu bua kabuena bulua ha buihi nʼebe.

Yeshaya 57:11

Wakutshina nganyi ne nganyi wakunkuatshisha buowa, bua wewe udi ushima, ne kuakunvuluka, kuakuteka bualu buanyi mu mutshima webe? Tshiena muhuwe talalâ, tô ne musangu mule mene, ne bua muanda eu kuena untshina, anyi?

Yeshaya 7:4

Wambile Ahaza ne, Udimuke biebe, wikale talalâ! Kutshinyi, ne mutshima webe kauteketshi, bualu bua nshikidilu ya bimunyi ebi bibidi bidi bihatula anu muishi wa kahia, bua tshiji tshikole tshia Lesine ne Bena Sulia ne tshia muana wa Lemalaya.

Yeshaya 9:4

Bualu bua wewe wakutshibula mutshi wa tshikokedi wakadi bujitu buabo, ne mulangala wakadi ututa diaha diandi, ne tshibonge tshia mukengeshi wandi, bu muwakenza mu dituku diakahitabo Bena Midiyana bukole.

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Yirmeya 38:19

Mukelenge Sedekiya wakambila Yelemiya ne, Ndi ntshina Bena Yuda bakubuela ku luseke lua Bena Kasada, bua tshifidibu mu bianza biabo, ne bua bobo kabantshimbishi.

Yirmeya 41:18

bualu bua Bena Kasada. Bakabatshina bualu bua Yishemaele, muana wa Netanya, wakashiha Gedaliya, muana wa Ahikama, wakatekabo gouverneur ha mutu ha buloba abu kudi mukelenge wa Babulona.

Yirmeya 51:15

Nyeye wakafuka buloba ku bukole buandi, wakajadika bintu bionso bidimu ku meji andi, wakavungulula diulu ne lungenyi luandi.

Yirmeya 51:19

Yehowa, Luseke lua Buhianyi bua Yakoba, kena bu bintu ebi, kadi yeye udi mufuki wa bintu bionso; Bena Isalele ntshisamba tshia buhianyi buandi, Yehowa wa misumba ndina diandi.

Danyele 3:15

Katataka binuitabusha kutua mpala yenu hanshi ne kutendelela luhingu lunakuenza, hanunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, mbimpe. Kadi binuikala kanuyi nutendelela, ha diba adi mene nebanuele munda mua tshikutu tshia kahia kakole; ne nzambi kai udi mua kunuhandisha mu bianza bianyi?

Danyele 3:18

Kadi bikaleye kayi musue kuenza nunku, Umanye biebe, mukelenge, ne katuena tukuatshila nzambi yebe mudimu, katuena tutendelela luhingu lua or luwakuimanyika.

Danyele 3:19

Ha diba edi Nebukadenesâ wakulangana tente ne tshiji, ne mpala wandi wakakudimukila Shadalaka, Meshaka ne Abedenego. Nunku wakela dî diandi ne, Bahishe tshikutu ne kahia kadi kahita ka matuku makuabo misangu muanda mutekete.

Bienzedi 12:23

Muanjelo wa Mukelenge wakamukuma lukasa, bualu bua yeye kakadi utumbisha Nzambi; tuishi tuakamudia, wakahuola muoyo wandi.

1 Korente 1:20

Muena meshi udi hanyi? Mufundi udi hanyi? Muena mpata wa mu tshikondo etshi udi hanyi? Nzambi kakavuisha meshi a ba ha buloba mahote, anyi?

1 Korente 15:55

Lufu, kutamba kuebe kudi hanyi? Lufu, kalonda kebe kadi hanyi?

Dielulula 32:18

Nuakulekela Dibue diakanufuka, nuakuhua Nzambi wakanulelesha muoyo.

Dielulula 6:12

hashishe nudimukai, bua kanuhu muoyo bua Yehowa wakanuhatula mu buloba bua Ejipitu ne mu nsubu wa buluka.

Dielulula 8:11

Nudimuke, kanuhu muoyo bua Yehowa, Nzambi wenu, ne bua kutumikila mikenji yandi ne mei andi ne malu anakunuambila lelu:

Ebrewu 11:15

Bu bobo bele meshi bua muaba wakumukabo, bakadi kuikala ne tshikondo tshia kuhinganaku,

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

Didimanyisha 20:9

Bakabanda ha buloba buonso, bakanyunguluka tshitudilu tshia basanto ne musoko munangibue; ne kahia kakahueka, kafuma mu diulu, ne kakabashidisha.