Yeshaya 5:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wa misumba udi wamba mu matshu anyi ne, Bulelela, nsubu ya bungi neyikale munda mutuhu, yoyo mene mminene ne miakane, kayiyi ne bantu bashikamemu.

MUKANDA WA MYIDI MUKULU

⁹ Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Yeshaya 5:9 ပူးပေါင်းရင်းမြစ်များ

2 Kulondolola 36:21

bua kujadika dî dia Yehowa mukana mua Yelemiya, bua buloba busanke mu matuku abu a lumingu; bualu bua hakadibu bubutula, bakavuluka matuku a lumingu tô ne hakakumbana bidimu makumi muanda mutekete.

Yobe 15:28

Wakushikama mu misoko yakubutulabo, mu nsubu idi kayiyi mimpe bua muntu kushikama, yakadi yamba kulua mishiki ya mabue.

Yobe 20:21

Kakuakadi tshintu tshimue tshiakadiye kayi udia bua lukuka luandi; nunku diakalengele kadiena dishala kudiye.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.

Yeshaya 22:14

Yehowa wa misumba wakadimuenesha mu dî dinakunvua mu matshu anyi ne, Bulelela, bubi buenu kabuena bujimishibua tô ne ku lufu luenu; Mukelenge Yehowa wa misumba udi wamba nunku.

Yeshaya 27:10

Bualu bua musoko wa ngumbu ya nvita udi ushala ha buau, tshishikaminu tshidibo balekela, tshidibo bashiya hatuhu, bu tshihela mene. Mu muaba wawa muana wa ngombe neadie mashinde, nealaleku, neadie ne neamane matamba a mitshi.

Yeshaya 5:6

Nenkubutule, ne kabena balengesha matamba a mionshi yabu kabidi, kabena babulula; kadi meba ne mingonge nehimenemu; nengele matutu mukenji bua kalokeshi nvula hamʼbidi habu.

Amosa 3:7

Bulelela, Yehowa Nzambi kena wenza bualu, bikaleye kayi muanji kubusokoluela bantu bandi baprofete diambedi.

Amosa 5:11

Nudi nudiata muntu muhele muinshi mua makasa enu, ne nudi numunyenga milambu ya blé ku bukole; nunku bua bualu ebu nsubu ya mabue masonga inuakuibaka, kanuena nushikamamu; tumuma tuimpe tua nvinyo tunuakukuna, kanuena nunua nvinyo yatu.

Amosa 6:11

Nunku monai, Yehowa udi wela mukenji ne, Nebauhule nsubu munene tô ne hashaleye tshibû, ne nsubu mukese tô ne hashaleye buloba.

Matayi 22:7

Mukelenge wakadi ne tshishi, wakatuma masalayi andi, wakashiha batahianganyi aba, wakosha musoko wabo.

Matayi 23:38

Nsubu wenu udi mushale hatuhu.

Yakobe 5:4

Monai, difutu dia bena mudimu bakanunowela madimi enu, dinutshidi nushala nʼadi ku buibi, didi diela dî dikole; ne muadi wa bahuodi wakubuela mu matshu a Mukelenge wa Misumba Yonso.