Yeshaya 5:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakabubundulula, wakumusha mabue onso akadimu, wakakunamu mionshi ya tumuma yakatamba buimpe, wakasa tshibumba tshia batentekedi munkatshi muabu, wakumbula tshikaminu tshia tumuma mu dibue diakadimu; wakatekemena ne, Budimi nebukuamishe tumuma tua nyinyo tuimpe, kadi buakakuamisha tumuma tusasa.

MUKANDA WA MYIDI MUKULU

² Kusekunaye budimi bimpe, kumushaye ne mabue. Kukunaye ne mionji mimpe. Bua kulama bimpe budimi, kuasayemu nzubu wa tshialaminu. Kuibakaye ne tshikaminu tshia tumuma. Mulunda wanyi uvua mutekemene kupeta tumuma tua mvinyo tulenga. Kadi budimi kupatula tumuma tua bululu.

Yeshaya 5:2 ပူးပေါင်းရင်းမြစ်များ

2 Samuele 7:10

Nensunguile bantu banyi Bena Isalele muaba, nembajadikemu bua bobo bashikame mu muaba wabo, kabena bumukamu kabidi; bantu babi kabena babatatshisha bu muakenzabo diambedi;

Nehemya 13:15

Mu matuku au nakatangila Bena Yuda bakuabo bakame tumuma tua nvinyo dituku dia lumingu, basuike bisumbu bia blé, babiteke ha nyima ha nyama ya mpunda; bakadi balua ne nyinyo ne tumuma tukese ne nfigi ne bintu bikuabo ku Yelushalema dituku dia lumingu; meme nakabadimusha mu dituku diakadibo bahana bintu.

Misambu 80:8

Wewe wakalufila muonshi wa tumuma tua nvinyo mu Ejipitu; wakihatamu bisamba bia bantu, wakûkuna.

Misambu 80:9

Wakalongolola muaba wau ku mpala kuau, wakela miji mile munda mua buloba, wakatampakana buloba bujima.

Ekesode 33:16

Nemmanye ne, Nakasangana luse ku mesu kuebe, ne meme ne bantu bebe, kudi kunyi? Kabuena nunku ne, Wewe uyaya nʼetu, ne tuetu, meme ne bantu bebe, netuikale bu bantu badi bahanduluka kudi bisamba bionso bia bantu badi hanshi ha buloba, anyi?

Yeshaya 1:8

Badi bashiya muana mukashi wa Siona bu tshisambusambu tshia mu budimi bua tumuma tua nvinyo, bu tshitandatanda tshia mu tshibidi tshia tumuma tua tunsalala, bu musoko udibo batshintshimika.

Yeshaya 5:7

Bualu bua budimi bua tumuma tua nvinyo bua Yehowa wa misumba budi tshisamba tshia Bena Isalele, ne bantu ba mu Yuda badi mitshi yandi idiye munange. Yeye wakatekemena kulumbulula kuakane, kadi monai! Kumatshisha kua mashi kudiku; wakatekemena buakane, kadi monai! Muadi udiku.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Yirmeya 2:21

Kadi nakakutentula bu muonshi mutambe buimpe, bu muonshi wakadi anu ne maminu makane; wakandamuka kundi bu matamba munyanguke a muonshi wa bende munyi?

Osheya 10:1

Bena Isalele badi bu muonshi udi ulamba bikole, udi ukuama mamuma a bungi. Bu muakakuamabo mamuma a bungi, mbu muakavudishabo bioshelu bia bungi; bu muakadi buimpe bua buloba buabo, mbu muakalengeshabo makunshi a tshijila.

Mika 4:8

Wewe, tshibumba tshia balami ba mikoko yanyi, mukuna wa muana mukashi wa Siona, bukokeshi nebufike kûdi; e, bukokeshi buwakadi nʼabu diambedi nebufike kûdi, bukelenge bua muana mukashi wa Yelushalema.

Dibadika 23:9

Bualu bua nakumutangila ku mutu kua mabue, nakamumona ku mutu kua mikuna, bantu aba badi bashikama ha buabo kabena babadibua munkatshi mua bisamba bikuabo.

Matayi 21:19

Hakamoneye mutshi wa nfigi kukala kua nshila, wakaluaku, wakasangana mutshi mutuhu, anu mabeshi; yeye wakambila mutshi ne, Wewe kukuami mamuma tshiendelele. Mutshi wa nfigi wakafuba lukasa.

Matayi 21:33

Unvuai lusumuinu lukuabo: Muena budimi wakadiku, wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dina dia kukamina mamuma, wakasa nsubu wa batentekedi mule, wakabushia mu bianza bia ba bidime, wakaya biandi ku luseke lukuabo kule.

Matayi 21:34

Hakalua tshidimu tshia mamuma ha buihi, yeye wakatuma bantu bandi kudi ba bidime bua kuangata mamuma andi.

Marke 11:13

Hakamoneye mutshi wa nfigi kuakua muikale ne mabeshi, wakalua kudiu ne, Mpete mamuma; hakalueye, wakasangana mutshi mutuhu, anu mabeshi, bualu bua katshiakadi tshikondo tshia nfigi.

Marke 12:1

Yesu wakabanga kubambila malu mu nsumuinu. Muntu wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dinu dia kukamina mamuma, wakasa nsubu wa batentekedi mule, wakabushîa mu bianza bia ba bidime, wakaya biandi ku luseke lukuabo kule.

Marke 12:2

Hakalua tshidimu tshia mamuma, wakatuma muntu wandi kudi ba bidime bua kuangata mamuma a mu budimi buandi kudi ba bidime.

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.

1 Korente 9:7

Muntu udi wenza mudimu wa busalayi udi udifuta bua mudimu wandi musangu kai? Muntu kai udi ukuna mionshi ya nvinyo ne kena udia mamuma ai? Anyi, muntu kai udi udisha tshisumbu tshia bimuna ne kena unua mabele a tshisumbu tshiabi?

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Balombodi 16:4

Ku nyima kua malu au yeye wakananga mukashi wa mu tshibanda tshia Soleka, dina diandi Delila.