Yeshaya 41:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Wakuenza bualu ebu wakubushikisha udi ubikila milongo ya bantu ku tshibangidilu nganyi? Meme Yehowa, ndi wa kumudilu, ndi kabidi muomumue ne wa kunshikidilu; mmeme mene.

MUKANDA WA MYIDI MUKULU

⁴ Uvua muenze bualu ebu nnganyi? Amu yeye udi mudianze kuamba bivua ne bua kuenzeka. Ke meme Maweja-Nangila, ndi ndudika malu a bantu. Ndiku, padibu babanga malu, nengikaleku, padibu baajikija.

Yeshaya 41:4 ပူးပေါင်းရင်းမြစ်များ

Misambu 102:27

Kadi wewe udi muomumue, ne bidimu biebe kabiena ne nshikidilu.

Misambu 102:28

Bana baledibue ba bantu bebe nebashikame mu buloba talalâ, ne tunkanunuma tuabo netujadikibue ku mpala kuebe.

Yeshaya 40:12

Eu nganyi wakidikisha mai onso munda mua tshianza tshiandi, wakuelekesha diulu ne ntanta wa tshianza tshiandi, wakusangisha dinfuenkenya dia buloba mu tshihiminu bua kulubala, wakuidikisha bujitu bua mikuna mile mu tshidikishilu, ne bujitu bua mikuna mihi mu tshiamu tshia kuidikisha nʼatshi bujitu?

Yeshaya 40:26

Bandishai mesu enu kulu, numone bienu! Wakafuka bintu ebi nganyi? Nyeye udi uhatula misumba yabi, ubala bungi buabi, ne udi ubuikila buonso buabi mena abi; ne bualu bua bunene bua bukole buandi, ne bualu bua bukole bua bukokeshi buandi, kakuena umue wabi udi uhanga kumueneka.

Yeshaya 41:20

bua bantu batangile, bamanye, bele meji ne bajingulule diatshimue ne, Tshianza tshia Yehowa tshiakuenza bualu ebu, Wa Tshijila wa Isalele wakubufuka.

Yeshaya 41:26

Nganyi wakadianjila kutuambila bualu ebu ku tshibangidilu, bua tuetu tubumanye, ne wakutuambilabu diambedi kabuyi buanze kumueneka, bua tuetu tuambe bietu ne, Wakuamba bulelela? Bulelela, kakuena muntu udi unuambila, kakuena muntu udi unulesha, kakuena muntu udi unvua mei enu.

Yeshaya 41:3

Udi ubihata, udi uhita ku mpala kuabo kayi ne bualu bumukuata, wenda mu nshila mene wakadiye kayi muanze kutekamu makasa andi diambedi.

Yeshaya 42:24

Wakafila bana ba Yakoba mu bianza bia bahaudi, ne Bena Isalele mu bianza bia banyengi nganyi? Yehowa kakenza bualu ebu, anyi? Nyeye wakenzelabo bibi, wakabengabo kuenda mu nshila yandi, wakahidiabo kutumikila diyisha diandi.

Yeshaya 43:10

Yehowa udi wamba ne, Nuenu nudi bamanyi banyi, ne nudi muntu wanyi unakusungula, bua nummanye ne nuitabushe dî dianyi, ne nujingulule bu mundi yeye mene. Kakuakadi nzambi mukuabo mufukibue ku mpala kuanyi, kakuena kuikala mukuabo ku nyima kuanyi.

Yeshaya 43:13

ku tshibangidilu ne ku dituku edi tô ne tshiendelele ndi mundi emu. Kakuena mukuabo udi mua kuhandisha bantu mu bianza bianyi; ndi ngenza mudimu, neamanye mua kûkudimuna nganyi?

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yeshaya 48:12

Teleja matshu kundi, wewe Yakoba, Isalele mene unakubikila! Meme ndi yeye; ndi wa kumudilu, ndi wa kunshikidilu kabidi.

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Bienzedi 15:18

Mukelenge udi Wamba nunku udi umanyisha malu â kale.

Bienzedi 17:26

Yeye kabidi wakafuka bisamba bionso bia bantu, bafuma mu muntu umue, bua kuikalabo ha buloba buonso; wakatahulula bikondo biabo bidianjile kulongolola diambedi, ne mikalu ya miaba yabo yashikamabo.

Dielulula 32:39

Katataka, tangilai, anu meme nkayanyi, nYeye mene, kakuena nzambi mukuabo, anu meme; meme ndi nshiha bantu, ndi mbabisha ku lufu; meme ndi ntaha bantu mputa, ndi mbondaha kabidi; kakuena muntu udi mua kubasungila mu tshianza tshianyi.

Didimanyisha 1:11

diamba ne, Bualu bûdi utangila, ubufunde mu mukanda, ûtume kudi ekelesia muanda mutekete: ku Efeso, ne ku Semuna, ne ku Pêgamo, ne ku Tuatila, ne ku Sâdi, ne ku Filadelefia, ne ku Laodikiya.

Didimanyisha 1:17

Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.

Didimanyisha 2:8

Fundila muanjelo wa ekelesia wa ku Semuna ne, Wa Kumudilu ne Wa Kunshikidilu, wakadi mufue ne udi muikale ne muoyo kabidi, udi wamba malu â ne,

Didimanyisha 22:13

Meme ndi A ne Z, wa kumudilu ne wa kunshikidilu, tshibangidilu ne kunshikidilu.