Yeshaya 41:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Balue nʼau ku mpala kuetu, batuambile malu alualua kumueneka; ambai bienu malu akadiku diambedi ne, Akadi nunku; bua tuetu kuelangana meji a malu â ne bua kumanya bietu nshikidilu wau; anyi neuleshe malu adi kayi manji kulua.

MUKANDA WA MYIDI MUKULU

²² Semenayi pabuipi, tuambilayi malu anuvua bakumbaje. Nutumvuije malu akadi mamane kuenzeka, bua tuetu kuelaku meji. Tumanyishayi nansha malu adi kaayi manji kuenzeka. Nanku netumanye bidi mua kuenzeka.

Yeshaya 41:22 ပူးပေါင်းရင်းမြစ်များ

Yeshaya 41:26

Nganyi wakadianjila kutuambila bualu ebu ku tshibangidilu, bua tuetu tubumanye, ne wakutuambilabu diambedi kabuyi buanze kumueneka, bua tuetu tuambe bietu ne, Wakuamba bulelela? Bulelela, kakuena muntu udi unuambila, kakuena muntu udi unulesha, kakuena muntu udi unvua mei enu.

Yeshaya 42:9

Monai, malu a diambedi akumana kulua, ndi nnuambila malu mahia-mahia; ndi nnuambila malu â diambedi kayi manji kumueneka.

Yeshaya 44:7

Udi mua kuamba malu adi kâyi manji kulua, bu mundi ngenza, katshia najadika bantu ba kale, nganyi? Ambe biandi muandu eu, aubulule ku mpala kuanyi. Bambile biabo malu adi alua ne malu alualua kuhita.

Yeshaya 45:21

Nuambe bienu, nuleshe malu anudi basue kutumbila: bulelela, bele tshifufu, batuleshe ne, Wakunuambila bualu ebu mu bidimu bia diambedi nganyi? Wakadianjila kuamba bualu ebu kale nganyi? Meme Yehowa tshiakuenza bualu ebu, anyi? Kakuena nzambi mukuabo muomumue nʼanyi, muakane ne Musungidi; kakuena mukuabo muomumue nʼanyi.

Yeshaya 45:22

Hinganai kundi, nusungidibue, nuenu ba kunfudilu kua buloba; bualu bua meme ndi Nzambi, ne kakuena mukuabo muomumue nʼanyi.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Yeshaya 48:14

Buonso buenu nudisangishe muaba umue, nuteleje matshu enu! Wa munkatshi muenu wakunuambila malu â adi alua nganyi? Muntu udi Yehowa unanga nênzele Babulona malu adiye musue kumuenzela, nênzele Bena Kasada malu andi makole.

Yeshaya 48:3

Kale nakuamba malu akadiku diambedi; bulelela, malu â akahatuka mukana muanyi, ne nakadianjila kunuleshau. Hashishe nakaenza lukasa, akamueneka.

Yowanane 13:19

Katataka ndi mbanga kunuambila bualu budi kabui buanze kulua, bua, haluabu, nuenu nuitabushe ne, Meme nyeye.

Yowanane 16:14

Neantumbishe meme; bualu bua neangate malu anyi, neanuambileu.